風味園

Open Now

Now Closed

都唔止一次提過，因為番工時間比較晏，所以我平時lunch time係5點左右嘅時間，其實呢個時間食飯都算唔錯，大部分茶記都仲有下午茶食，一來平啲啦，二來又唔想食得太飽~風味園嘅下午茶選擇都算多，而且價錢唔貴，今日叫左兩份「超值下午茶」。男朋友點嘅係超級熱狗+炸全翼 $29 (凍飲加$2)熱狗size真係幾大個下，講真就唔係話好特別，都係腸、青瓜、沙律醬咁，但咁大個，仲配上全翼，都幾抵食。我點嘅就即時覺得弱得多，炸全翼西多士 $27 (凍飲加$2)西多士嘅賣相唔係太好，呢個價位的話，大__樂都有類似啱餐，塊多士會煎得好樣啲~整體黎講，我地都食得飽，價錢唔貴，如果單叫餐唔夠，可以跟餐加$5配通粉/米粉，都不失為打工仔食飯之選。