風味園

Open Now

Now Closed

今日去咗間叫“風味園”。餐廳外觀唔算好華麗，但入到去感覺幾乾淨企理。講講佢哋嘅餐牌啦，選擇都幾多，特別係個“每日精選”，好似有唔少好嘢。我哋點咗個招牌嘅金湯重慶酸菜魚，價錢係$73，聽落好似有啲貴，但係賣相真係唔錯，湯底金黃金黃，酸菜夠酸爽，魚肉都幾嫩滑，不過就覺得辣度差啲火候，對於我呢啲鍾意食辣嘅人嚟講，未夠嗮過癮。仲有個馬來咖哩焗牛扒，$57一份，配飯或者意粉。咖哩香氣撲鼻，牛扒焗得火候啱啱好，肉質軟腍，配嘅飯吸晒咖哩汁，正到暈。但係份量就有啲少，感覺食完有啲意猶未盡。飲品方面，叫咗杯熱奶茶飲落去口感幾順滑，不過就覺得味唔夠濃郁，有啲淡咗。總體嚟講，呢間餐廳嘅食物味道都唔錯，有啲小缺點，但係都算值得一試啦，下次可以再嚟試下其他菜式。

今晚行過風味園，見到排晒隊，我又趁個熱鬧，因為想食呢度嘅煲仔飯 ，捱過疫情，開返二十四小時，風味園係有底氣。 好在只係排十五分鐘，坐低即刻叫個臘味煲仔飯，再加一個蠔仔煎蛋，蠔仔幾大粒，蛋煎得幾香。 好快煲仔飯就到，真係香噴噴，粒粒飯，有微微飯焦，豉油煮得香而不太甜，正

老媽今天想食煲仔飯，但坤記還未開門，所以我們就去了今期人氣餐廳試試。可能還未到吃午飯的高峰，人不多，不用排隊。一坐低就點了兩個煲仔飯，因為是即叫即整，所以大約等了20分鐘。豉汁白鱔油煲仔飯 ($114): 豉汁鹹香濃郁，白鱔滑嫩帶有豐富的魚鮮味，油香融入飯粒之中，整體味道穩定但少了一點驚喜感。新鮮田雞滑雞煲仔飯 ($99) : 田雞和滑雞的肉質都算鮮嫩，但味道表現平平，醬汁稍嫌不足，未能完全展現煲仔飯的精髓。埋單前看到隔離桌來了個傳統臘肉煲仔飯，未開蓋，香氣就已經撲鼻而來。下次一定再來試試！

今日我的朋友試了常餐，多士的靈魂就是要「練奶+花生醬」嚟到呢度食飯一定要點煲仔菜，我個人係悶啲。但係裏面有臘肉滑雞及鱔。他們的是日例湯有味精較為口渴，凍檸茶和凍奶茶，味道合格。

這間餐廳有廿四小時服務，我今次夜晚食飯，煲仔飯款式超級多。臘味和鱔系我今日選擇嘅菜式。其他煲仔飯類別可以自由配搭，喜歡煲仔飯豉油侍應生亦可以為你多加。我朋友選擇食咖哩豬扒飯。豬扒係即叫即炸夠大份，建議你喜歡食港式咖哩的可以叫佢多汁和多飯。因為豬扒非常邪惡，該餐廳主打是即叫即炸，所以等十幾分鐘至可以接受。在餐廳二樓的侍應生有點像澳牛，講嘢急速而且落單好快，但是沒有呼喝，招呼週到，主動給紙巾，由於星期六晚上非常多客人，可能需要搭枱食飯。

都係睇到人推介 youtube都推介就去試下食有排凍啲諗起想食煲仔飯 咁啱個日 就到地點係個到附近就入去食入到去都多人 有啲都係就咁叫碟頭飯正常餐飯有啲人都會叫煲仔飯個日叫咗 豉油白鱔煲仔飯 ＆ 窩蛋免治牛肉煲仔飯都製作需時 都等咗一陣以上兩個煲仔飯都後期有食到飯焦但唔夠煲仔飯飯香加上 個人口味鍾意食乾身但佢煲完出黎 唔係乾身 飯係偏向可能白鱔會出水？但白鱔係算大舊 唔會少嘅白鱔係實 彈牙嘅 有薑絲嘅 但都係有少少腥味 唔係勁嘅 但有少少窩蛋牛係肉好但正常豉油唔算好帶到超出嘅香味飯焦唔算超出色 有少少香口有但唔算多飯焦 總括 都係覺得試一次就算或者會寧願叫其他小炒個啲

朋友的媽媽從美國回來一個月，相約我一起吃晚餐；天氣寒冷，食煲仔飯絕對為暖胃之選又富港式風味，讓朋友媽媽懷緬一番，選擇了位於旺角通菜街的「風味園」，據說為香港煲仔飯關注組的大推熱店-二人煲仔飯 $208~246熱飲+$5▶任選三餸生滾鮮濃魚湯魚腩、豬肚、鹹酸菜魚湯鮮甜不膩，豬肚處理得宜夠潔淨，跟鹹酸菜夠夾，魚腩雪白肉質嫩滑，只是幼骨較多▶任選一款大煲煲仔飯風味園煲仔飯 (油鴨、瑤柱、臘味、土魷肉餅)鹹蛋+$9必點推介招牌煲仔飯一定不能錯過，開蓋時有驚喜，色彩繽紛，賣相得體煲仔飯加入大量蔥花；油鴨肉質緊實富油香，略嫌稍鹹；瑤柱選用元貝仔，細嫩而鮮甜；臘味包括臘腸、膶腸及臘肉，脂肪比例不高但沒有乾柴感，有豐富的臘味香；土魷肉餅細緻軟滑，食到不錯的肉香及土魷香加配鹹蛋蛋黃雖沒漏油，卻是沙沙的，鹹香十足至於煲仔飯的精萃：米飯，則粒粒分明帶臘味香，飯焦香脆可口，出色推介指數：8.5/10-豉汁白鱔油鴨髀煲仔飯 $110熱飲+$54大件白鱔雪白細緻，油脂豐腴，甘香甜美而毫無腥味；油鴨髀肉質同樣緊緻，鹹香突出；煲仔米飯質素同上推介指數：8.5/10

💯鮮嫩入味的煲仔飯@風味園難得香港有真正的冬天，當然要把握機會吃煲仔飯! 人氣之選分別有田雞、白鱔、臘味煲仔飯等，吃過也可以試不同口味! ==薑蔥田雞煲仔飯$84==❤️約700kcal 營養師指這款較低脂, 原以為不怎樣，但無論配料還是飯都有驚喜! 煲仔飯以炭火製作，把飯燒得香脆平均, 剛端上桌已香氣撲鼻。經過「一焗、二淋醬油、三再翻焗」後, 鋪在飯面微微醃過的田雞較為濃味, 不腥且能保持嫩滑口感, 米飯則甘香、充滿嚼勁。說起飯焦, 這次可惜因為自己技術不夠好，醬油淋得不均勻, 煲仔飯之魂的飯焦未能成塊反焦成型。*P.S. 這次到曾受電視台訪問的九龍區煲仔飯名店，到訪當日只見每枱都放著瓦煲，還暗忖是否只是宣傳效應，試過果然與其他鋪的同款菜式立分高下 * 回訪指數 100%#香港煲仔飯 #茶餐廳 #香港本地遊 

聽講呢到啲煲仔飯係老闆親自落場整的，忙起上嚟出面你都會見到佢哋整到無停手🥵不過大家都知呢啲開左咁耐嘅港式茶餐廳服務態度同環境就唔會係超好，但真係可以用「平靚正」3隻字嚟形容，所以6點幾去到都已經大排長龍，想去食真係早啲去攞位等食煲仔飯呀！除左煲仔飯係主打嘅招牌之外，其他食物聽講就正正常常，但真係勝在夠平。如果係真係去到主要食煲仔飯，咁真係記住一坐低就要叫，因為多人起上嚟真係要等20-25分鐘~同埋夜晚收左工或者係附近玩完通頂想食啲野，呢到都係個唔錯嘅選擇，因為佢係24小時營業，唔使驚係旺角無野食啦🤣

今日凍凍地， 諗住放工去食煲仔飯， 旺角已經無乜茶餐廳可以有得食， 叫左1個， 點知等得耐都算， 明明俾左碗豉油， 轉頭有另外一個人收走左， 臨走仲話等我教你點食， 成碗豉油倒番入個壼度。 完全唔聽人講， 仲話唔介意俾番， 完全無心服務， 永不回頭去食！

1月在呢間食店，食咗餐，被揾食肥華譽為，美味大奇蹟嘅，平，靚，正晚餐，好食梗係要番尋味，2月2O日肥華和靚媽再斬四両，又到此店食晚餐，今次合共點咗三個唔同食物嘅下午粉，麵，飯，茶餐，最先上枱嘅㗎喱海鮮炒飯，賣相OK但毫無炒飯應有嘅熱度，而飯粒亦炒得唔夠乾身，衹值C+評分，至於個乾炒牛河，雖然算有鑊氣，但炒到啲 ，牛肉偏嚡難趙，而成碟粉係炒到黑色嘅，呢碟嘢俾個C级評語佢，都係因為個價錢問題，而跟餐個紅湯，可以講係災難級劣食，係一碗無味嘅豆粉水湯，肥華飲咗兩啖就被呢碗紅湯，影响咗胃口，連試食靚媽碟，雪菜肉絲炒米嘅興趣都冇埋，今個在此店嘅晚餐，除咗得個平字，就一無是處，同上次相比，係天與地💯🙅‍♂️👎👎👎

從來未去過旺角街巿日昇大排檔，原本想話去幫襯，經過松記就旺爆，日昇就仲有幾張吉枱冷清咗D，忍若有D伏味，打開份 Menu 半隻炸子雞收成兩舊水，再四周留意吓，佢地D餸菜份量又唔係多但收費唔算平，之後洗碗洗筷子，一攞上手，頂! 油立立，頗污糟! 結果速逃轉場，轉場去最近嘅風味園.點咗個鹹蛋肉餅臘腸煲仔飯，豉椒排骨炒河.點知煲仔飯忘記影相，唯有只寫豉椒骨河囉… 人老了 ~>_<~首先份量足，排骨唔係切到好鬼細粒，無偷工減料，另外碟河粉味道微辣中帶甜，係我喜歡嘅口感，夾自己口味，排骨有少部份入口較硬較乾，但入味鬆軟嘅較多.最不滿係唔夠熱，好奇怪即叫即炒點解會凍冰冰?最後，D員工態度唔多友善，扣分最多，亦都係哩個原因所以一直少幫襯風味園.

見佢下午茶$40 一個焗豬扒飯包埋嘢飲幾抵，所以試吓，下午茶鐘要去去到6:30幾好，但係食物質素真係無話可說，首先佢個焗豬扒飯唔算大碟，配料有蕃茄洋蔥，算比較少配料，首先評論豬扒，應該走過油，全部都縮埋一舊，入口幾鞋下冇咩豬扒味，至於最最最垃圾一定係個豬扒汁，剩係得個甜味，仲要甜得幾離譜下，少少鹹味都食唔到，唔講仲以為食緊甜品，至於飯底正常，但係雞蛋份量偏小，真係難聽啲講句，我去便利店買個叮叮飯都好食過佢

1月26日年初五，靚媽開工大吉，揾食肥約咗佢收工後，到此食店倉晚飯，入到此店肥華望望個餐牌此店可以講中，西，星馬食品樣樣俱全，做到咁雜，肥華對此店出品都存厚望，衹求食飽個肚就算，果然肥華所點嘅第一味食品，海南鷄飯無論買相和味道都係平平無奇，衹值C級評分，但跟住而來嘅田鷄煲仔飯和星州炒米，真係不得了，個煲仔可以講係完勝，廟街個兩間賣煲仔飯而街知巷聞嘅名店，而碟星州炒米，亦令到肥華首次不用落調味醬料來進食嘅炒米粉，最奇蹟係此兩款食品，除咗有A++美味外，更令人有越食越開胃唔覺飽嘅感覺，所以此店真係勁😋👍😋👍😋👍

俾錯煲仔飯唔認，話係本身煮得耐，話幫你跟緊，等左40分鐘，跟著張單都入錯同俾錯，話係你食既飯來，叫個食緊野既客俾現金另一個客，仲要態度差😡😡😡，唔會再幫襯！