Video
Read full review
2023-03-27
2832 views
最鍾意就係去茶餐廳 / 冰室食下午茶，無可取替 ❤️雪山冰廳已經係老字號嘅港式茶餐廳，明星都有拍片介紹過，但今次我先至係第一次去 😆🙈雪山冰廳有兩間，一間喺深水埗，另一間喺長沙灣。今次同朋友去咗深水埗果間。下午茶套餐 ☕🥞🍗 避風塘生炸脾 配 紅豆冰 $42初頭以為好辣，原來唔係嘅，BB辣，但已經好惹味！雞鎚大大隻，炸到金黃色好靚，唔會點落炸粉，所以雞皮好脆，同埋隻雞鎚都有食到咩肥膏。雞肉醃得好入味，最讚嘅係真係唔算油！👏🍔 經典芝蛋牛肉漢堡包 $38當然係幾邪惡 😈 不過重點係，好鍾意佢嘅牛肉！😍 肉質新鮮，係好嫰偏腍，好易咬開，唔同出面嘅漢堡包店咁，煎到塊漢堡扒較乾身，或者肉煮到較韌咁嘅。牛肉味夠濃但唔會覺得係heavy！💯 夾埋芝士同流黃汁嘅煎蛋就梗係不能抗拒啦 😆🤤 呢個真係好食 😃🧇 榛子醬西多士 $36榛子醬餡都搽得夠，同均勻 👍見其他人都會加糖漿，我個人就反而覺得唔駛落糖漿都得，因為落咗糖漿好似返而蓋過咗榛子醬味 🤔或者配煉奶，味道好似夾D 🙂個人感覺唔算係好邪惡，但都值得試下，因為炸得好金黃，好香！✨茶餐可加配：🥗🍟粟米什果沙律 / 辣味薯皇 ＋$8沙律令我少少驚喜！😃
雪山冰廳已經係老字號嘅港式茶餐廳，明星都有拍片介紹過，但今次我先至係第一次去 😆🙈
雪山冰廳有兩間，一間喺深水埗，另一間喺長沙灣。今次同朋友去咗深水埗果間。
下午茶套餐 ☕🥞
🍗 避風塘生炸脾 配 紅豆冰 $42
避風塘生炸脾
66 views
0 likes
0 comments
初頭以為好辣，原來唔係嘅，BB辣，但已經好惹味！
雞鎚大大隻，炸到金黃色好靚，唔會點落炸粉，所以雞皮好脆，同埋隻雞鎚都有食到咩肥膏。
避風塘生炸脾
57 views
0 likes
0 comments
雞肉醃得好入味，最讚嘅係真係唔算油！👏
🍔 經典芝蛋牛肉漢堡包 $38
經典芝蛋牛肉漢堡包
86 views
0 likes
0 comments
當然係幾邪惡 😈 不過重點係，好鍾意佢嘅牛肉！😍 肉質新鮮，係好嫰偏腍，好易咬開，唔同出面嘅漢堡包店咁，煎到塊漢堡扒較乾身，或者肉煮到較韌咁嘅。牛肉味夠濃但唔會覺得係heavy！💯 夾埋芝士同流黃汁嘅煎蛋就梗係不能抗拒啦 😆🤤 呢個真係好食 😃
🧇 榛子醬西多士 $36
榛子醬西多士
47 views
0 likes
0 comments
榛子醬餡都搽得夠，同均勻 👍
見其他人都會加糖漿，我個人就反而覺得唔駛落糖漿都得，因為落咗糖漿好似返而蓋過咗榛子醬味 🤔
或者配煉奶，味道好似夾D 🙂
榛子醬西多士
36 views
0 likes
0 comments
個人感覺唔算係好邪惡，但都值得試下，因為炸得好金黃，好香！✨
茶餐可加配：
🥗🍟粟米什果沙律 / 辣味薯皇 ＋$8
沙律令我少少驚喜！😃 因為一般餐廳都係就咁落一大pat沙律醬撈勻d料就算，醬多過d料嘅情況又有.... 但呢度除咗沙律醬仲有微量嘅芝麻醬，食落味道唔錯，唔覺得漏仲好開胃，酸甜鹹各有d！同埋佢唔會太多太多醬，比例👌 未試過食茶餐廳沙律會覺得唔夠喉嘅😆👍
薯角其實唔辣，但口感好正！外皮炸得微脆，但內裡薯肉係好鬼軟綿，好似食緊薯蓉咁，兩層係完全不同嘅口感！👍👍👍
轉：
凍飲加 ＋$3
樽仔奶茶
38 views
0 likes
0 comments
☕樽仔奶茶/樽仔咖啡 ＋$9
老友叫咗支樽仔奶茶飲，幾香滑 👍
紅豆冰
59 views
0 likes
0 comments
🥤紅豆冰 / 特飲 ＋$9
紅豆都俾好多，有大半都保持到一粒粒，冇煮到太蓉，椰汁又唔會太甜 👌 唔錯 😋
Post
