譽居

Open Now

Now Closed

下午有時等大女放學想搵個地方坐下食少少野，我見又有少少唔舒服想食個粥，咁啱記起呢度有間食粥就去試下。見到呢度有下午茶餐，價錢又算平，呢度有腰潤粥所以就叫左。呢度仲有熱茶奉上，不過當然冇得揀係咩茶啦，不過都好過係茶記好淡嘅茶。等左大約10分鐘個粥就上檯啦，係熱辣辣嘅。粥底幾線幾香，但較稀少米。豬潤仲係爽口嘅，有3片，冇異味，一讚。豬腰都係有3片，都好爽，冇尿臭味，但係完全咩味都冇...有點奇怪，不過都好過食到成口尿臭味嘅。其實間唔中有時間咁樣坐低食個下午茶都幾好，當然呢度有加一同茶芥3蚊。但其實已經算平了比起其他。