八月茶室 (皇后山商場)

Open Now

Now Closed

去完流水響行山，肚餓即刻行去就近地方搵嘢食，皇后山邨我都係第一次嚟，嗰度有一個商場，本身諗住去大快活，但係見到2樓有一間茶餐廳，價錢合理，食物選擇多樣化，就直接行入去啦。我揀咗一個$44嘅茶餐包括有米線，肉我揀咗豬扒，跟餐可以揀蛋、火腿同埋丹麥包，熱飲唔使加錢，揀咗熱杏霜，我只能夠講呢個餐唔單止抵食，而且亦都非常好食，質素非常之唔錯👍我朋友就揀咗一個雞翼沙律套餐價值$42，其實佢個沙律有新鮮蘋果，而且份量亦都好足夠，所以一樣都係性價比好高，飲品佢揀咗熱檸蜜，50 59號或者都係唔使另外加錢👍