靠得住粥麵小館 (德福廣場2期)

Open Now

Now Closed

今日帶媽去九龍灣展貿中心睇完嘢後，就坐返車去德福廣場食晏。咁啱2點鐘靠得住就已經有下午茶餐，於是我哋各叫咗個茶餐。一個皮蛋瘦肉粥+混醬腸粉，另一個就雞粥+銀芽炒麵，分別都係$39（另加一）。大約等咗五分鐘就有得食，下午茶嘅份量都唔少，粥底好味，雞肉都好滑，不過皮蛋瘦肉粥嘅瘦肉就略為鹹咗啲，而腸粉都夠滑好食，炒麵就比較油。原本叫兩杯熱意米水，點知又話無哂，於是就叫個主管俾兩杯熱水，點知都要叫兩次至有，仲有態度如果改善下，生客都會食得開心啲。總结：食物水準都可以，下午茶餐就真係算抵食嘅，不過服務就一般啦！