小廚港作 (Closed)

今日去荔枝角找朋友傾啲嘢，佢帶咗我去佢推介的餐廳小廚港作食下午茶。平日下午5:00去到，好少人，環境比一般茶餐寬闊，有一排卡位，一入門口就有好大個電子餐牌，我們順便叫埋茶餐先入去搵位坐，服務員都好友善，仲好風趣tim。我們叫左一個招牌茄煵湯通粉$32，一個沙哆牛肉公仔麵$31，呢個其實可以轉通粉或米粉，兩個下午茶餐都配牛油厚多士，火腿奄列，D蛋都好滑，仲奉即磨咖啡、香滑奶茶或者凍飲加$3、凍豆漿加$3等。