小廚港作 (Closed)

去開附近，諗住食個快中午飯，所以求其食間就近。喇沙湯麵d味尚算正常，但d餸⋯⋯真係唔係幾好食。我初頭叫丸，不過可能佢聽錯，變咗肥牛定豚肉我都分唔清楚。不過事但，我都唔堅持要丸，所以呢碗係肥牛魚腐響玲喇沙。麵底係油麵＋粉絲。麵底同湯正常味，麵的軟硬度適中，湯d味ok，魚腐係稔d，裏面比較鬆唔係實嘅，不過味算還可。但個響玲稔到一pat，無計，浸湯咁耐肯定係咁，不過加pat稔曬的響玲碗野變得好怪。然後d肉超級肥，一塊60%是肥肉食唔到，肉果部份又無乜味道，有啲硬，所以唔係幾分到是牛是豚。可取之處係超級快速上到碗麵，侍應算幾勤快。Overall 來講又唔係話完全無可取之處，只係d肉真係又肥又硬兼無乜味，咁就扣了好多分了。Total 59蚊，有杯凍檸茶，適中啦，唔平唔貴。不過應該唔會再去。

在這家餐廳，我通常都會等下午茶時間，因為２點就開始了，而且可以免費配我至愛的紅豆冰。這次要了＂豬扒拼珍寶帶子配意粉" ＋ 紅豆冰，選了黑椒汁。好像是４８蚊吧。豬扒有兩大件，頗為香口惹味，黑椒汁也夠濃，肉質是結實的那種，要靠點牙力。帶子只有一粒，不過其實冇乜味道的，就是好睇Ｄ咁囉。紅豆冰不錯，紅豆粒粒完整，不是爛爛的那種。

第一次黎呢間餐廳，比錢模式係好似大型餐廳咁😬喺櫃枱先比錢叫餐，之後會有姐姐送餐！值得一讚係，佢送餐快到飛起🤣🤣🤣 不過份量對女仔就岩岩好，男仔就未必好夠！叫左個叻沙花枝丸魚腐麵，佢餐牌係寫佢由油麵加粉絲煮成，但其實大部份都係油麵😂不過呢個只係題外話haha叻沙湯底好唔錯，好香！ 呢個價錢黎講物超所值，只係好微辣，所以好多人都食得到🥰🙌🏻佢比餸比得好大方，餸都好味道！尤其佢既自家制魚腐，好大嚿之餘，仲可以索到好多湯汁！yummy! 丸都幾彈牙！另外叫左個豆漿嚟飲，係用咗真空包裝，應該唔係佢哋嘅產品。不過都幾好味呀！冷氣有啲大，令啲野食快啲凍，希望之後有改善

It’s tea time and I wanted to have something light. I saw this HK style restaurant and they had tea sets so I went in to try. I ordered one set of macaroni in tomato and beef brisket soup and it served with egg, ham and crunchy bun with condensed milk and another set of salted chicken thigh rice. The macaroni was a bit soft and the tomato soup was slight sour and it served with small portion of beef brisket. The chicken thigh was pretty yummy. It’s salted yet not too salty, I would prefer it to

去gym前需找地方醫肚，剛巧經過這間見下午茶餐牌有好多選擇，最主要是有我喜歡既五香肉丁😉。火腿奄列多士，要讚下多士好脆👍,五香肉丁米好味但味精应重了少许。咖啡一般不夠濃應改善下。整體食物可以，下次可再來试😊

返工前梗係要食個豐富早餐來啦，今日早咗出門到咗荔枝角站A出口附近有間茶餐廳，見入面咁多客就入去叫了早餐B1, 有茄腩湯通粉-湯頭好濃及 奶油豬仔包-好香脆好好食和 火腿煎旦-冇特別驚喜，還有 我至愛嘅 -香滑奶茶☕️🥰，加上座位濶落，坐得舒服。下次我都要再來哩呢度，試埋佢其他款色嘅早餐🥣😍

起荔枝角番工的，就會知有間地舖小廚港作，起午飯時候成日排長龍，但係我就鍾意去另一間小廚港作，起長沙灣廣場入面萬寧門口對住就係， e間相對唔多人識，但我好鍾意食，因為有大大碗的雞喇沙麵！ 特別係2點後有下午茶，40幾蚊就可以哎倒一大碗，連埋野飲。其實如果對喇沙好高要來的，它唔係超好味，但我覺得味道小辣又有奶味，起茶餐廳水準來講已經好不錯！最重要係好多雞同牙菜！仲有响鈴！d雞都幾好味，每次帶朋友來食都讚不絕口。雖然只係一間小茶餐廳，職員都會比骨碟你放雞骨。

去荔枝角開會，見呢間店都算多人食又唔使排好耐隊，就入去試下。我叫咗個招牌蔥油雞飯，賣相都唔錯，點知....個飯又濕又唔香，衰過大陸啲飯店。雞肉勁大陣雪藏味，肉質出奇地嚡口！醬油其實係甜豉油....我竟然天真地以為係蔥油個醬汁！配白切雞個薑蓉已經唔知想點，仲有泰式甜酸醬同埋啲台灣漬小菜，請問發生咩事？係想扮海南雞定白切雞？最後食咗三嚿就收咗手，真心食唔落去！$5x食啲咁嘅，覺得佢$20都太貴朋友個牛柳粒飯（配菜甫炒蛋，佢話啲牛硬到咬唔到😂 我唔信，佢試比我睇，睇住佢食我都覺得辛苦😂😂 最後佢食菜甫配飯就算....豆漿，得個甜字...完全冇豆味下次，畀錢請我食都唔去！❌

Lunch time 經常來食，因為呢度就算好多人排隊都好快有位。至愛就係呢個蕃茄湯魚腐墨丸米線。墨魚丸入面有一塊塊嘅墨魚粒（片），且非常有鮮味同彈牙，出面好難食到。蕃茄湯望落清清地但好夠蕃茄味，不過唔知係咪物價高企，呢幾個月發覺佢地面/米線份量比之前少左，食完有啲唔夠飽/唔夠喉嘅感覺。

一直覺得「小廚港作」這店名改得挺謙虛的。我是這裡的常客，地點方便就近公司，有時會食個早餐再番工。星期一，我的午飯時間是3-4點，可以避開人多的時候進食，感恩公司這安排。餐廳2點後已經是下午茶時段，無需等位入座。由於我太肚餓，所以點了它的招牌餐，小廚港作鹽香雞飯。由付款到上菜，5分鐘內搞掂，最欣賞它的效率!今天有雞髀，好驚喜！整碟賣相不錯喔！咸味帶出雞的雞的香味，雞的肉質偏軟，骨位有少許血，但是可接受的。 食到悶悶地，就開始點一點姜蓉，送飯一流。最後點泰式酸辣醬，酸酸甜甜，加上輕微辣椒香味，很開胃，不知不覺已食哂成碗飯。如果再附送一碗中湯就好了。但我點了熱可力，哈哈。 可力已加糖，頗甜。 再額外加了個蠔油菜芯。份量充足，食得滿足，飽到8點。 😅

叫咗一份 雞喇沙， 發覺入面 啲雞骨仲有血水非常恐怖， 雖然口感係滑嘅，但係咁樣好易有細菌容易食到人生病 ，佢哋好有效率， 但係 同樣都好似喺度趕緊客人走咁， 都未食完就喺度不停抹枱， 呢啲趕客嘅態度有待改善。

晚上去荔枝角拎衫，就順便係荔枝角食晚飯。想食茶餐廳，近近地揀左小廚港作！一入去就有位，唔洗等。餐牌好多選擇，揀左一輪，最後食西冷扒拼薯菜，飲凍檸茶。男朋友就食牛肉炒蛋河，飲凍檸賓。我個西冷扒餐有湯同蒜蓉包，湯係磨菇湯，超好飲，好入味。西冷扒放左蒜蓉汁，sasa聲，超多汁，好味。男友個牛肉炒蛋河，都好大碟，好多牛肉同蛋花，味道濕口好食😋😋兩杯野飲都好夠凍及解渴，侍應上菜又快手，好快就有得食！價錢又唔算貴！

花枝丸拼魚腐喇沙💰HKD 52加凍豆漿+$3吉列蝦餅💰HKD 19/2pcs·價錢算中價，所以要求亦唔會太高魚腐幾彈牙，花枝丸普通，仲有半隻烚蛋，份量都算十足唔孤寒👍🏻👍🏻·麵底係油麵同少許粉絲，兩者都係煮到軟硬適中岩岩好，喇沙湯底椰香味好重，帶一點點辣，蝦味稍微，但都算滿意既！畢竟價錢唔貴而且份量亦唔少。·但係，我揀左吉列蝦餅就好唔抵啦，其實$19有兩件，我都預左佢唔會比大大隻既蝦，但係都無諗過會比蝦毛！😢蝦毛！😢蝦毛！😢👇🏻👇🏻👇🏻其實成件野係吉列蝦毛肥豬肉餅😅唔是蝦餅😟·麵類係lunch都算抵食之選👍🏻但就唔會再貪新鮮加小食啦🙈題外話：間野啲冷氣凍到乜咁😩坐立不安！

今日去荔枝角找朋友傾啲嘢，佢帶咗我去佢推介的餐廳小廚港作食下午茶。平日下午5:00去到，好少人，環境比一般茶餐寬闊，有一排卡位，一入門口就有好大個電子餐牌，我們順便叫埋茶餐先入去搵位坐，服務員都好友善，仲好風趣tim。我們叫左一個招牌茄煵湯通粉$32，一個沙哆牛肉公仔麵$31，呢個其實可以轉通粉或米粉，兩個下午茶餐都配牛油厚多士，火腿奄列，D蛋都好滑，仲奉即磨咖啡、香滑奶茶或者凍飲加$3、凍豆漿加$3等。

雖然聽過朋友説呢度抵食！住在香港咁耐都未去過。今次同同事收工去食2個雜扒餐$70X2以這個價錢和巨大份量相當滿意。塊牛扒七成熟口感相當嫩滑。其他如雞翼好入味...司華力腸脆皮，不過得半條...豬扒亦入味，入面仲有條煙肉...有大量炸薯角！好重薯味道...西蘭花同車尼茄伴碟好新鮮啊。跟餐有豬仔脆脆，暖暖地！可惜湯唔夠熱，最吾喜歡！所以飲一啖就吾飲！環境衛生都乾淨...服務員全部都係後生仔.感覺自己都後生咗潻...有機會再來！