一風堂 (德福廣場) (Closed)

我見好多人係openrice都話呢間分店服務唔太好。我就無遇到呢個問題，服務唔算好好只係一般啦。講真都無咩特別大期望。一風堂既內在環境就無咩特別啦，都係好普通，唔算係唔好坐都唔會係好舒服。我叫左一個雞醬油拉麵，硬身麵。見到既料都唔算係少，有半熟蛋，雞三塊，菜等等。湯底都可以啦，唔算得上好咸。而雞就唔算係好入味啦。半熟蛋就係一般啦，無咩特別味道。不過問題係食完一兩個鐘之後就開始好口渴。我懷疑係碗麵都有幾多味精。總結不過不失，服務都係不過不失。