Doux (Closed)

係旺角行街行到累就搵間餐廳食個下午茶鬆一鬆，今次揀左Doux。環境幾開揚，旁邊落地玻璃仲可以睇下景，可惜旺角只得樓景。3式芝士火腿帕尼尼包帕尼尼包表面有烤紋，表面酥脆，入面鬆軟，仲有D麥香。中間夾住火腿同半溶芝士，見到三色芝士既半溶狀態就已經流曬口水。芝士味道香濃，加埋旁邊熱辣辣既炸粗薯條，外脆內軟，我覺得非常好食。藍玫瑰花茶窩夫第一次試黑色既窩夫，原來係竹炭，不過竹炭味唔重，同埋窩夫口感偏軟，做唔到外脆內軟既口感，旁邊既藍玫瑰花雪糕有種淡淡的既玫瑰香，加埋充滿彈性又煙韌既啫喱同士多啤梨。Mocha下午茶就當然唔少得杯咖啡提提神啦，叫左杯Mocha，拉花拉得幾靚，咖啡味偏濃，可惜完全冇朱古力味，有點失望。餐廳主打甜品，適合假日黎嘆個下午茶或者夜晚黎個飯後甜品。