榕記車仔麵 (Closed)

今日星期日就近近地去九龍城食晚飯，男朋友話想食車仔麵，就諗起呢間之前食過嘅車仔麵都唔錯， 食完唔覺有味精😅我叫咗一個豬紅，生菜，魚肉春捲米粉配唔辣嘅沙爹汁男朋友叫咗一個豬皮，魷魚，菜脯煎蛋幼麵配少辣嘅沙爹汁 (佢唔夠飽仲叫咗個雞絲碗仔翅🙈)生菜唔會太熟太淋都脆脆地口， 魚肉春捲個樣唔係好吸引不過食落都ok， 豬紅還好唔算特別滑，個沙嗲汁幾香既，米粉索咗啲汁都ok試左男朋友個魷魚同菜脯煎蛋，魷魚辣辣地唔韌啱啱好， 老闆話菜脯煎蛋係必試，今次終於試咗啦！個菜脯煎蛋都真係幾香口，唔錯👍👍份量都算少 ，不過下次可以試下其他湯底，例如藥膳同埋胡椒豬肚😀