翠林辣蟹舫

放工本來諗住嚟食秋季當造嘅蟹，但係見到隔離枱盤酸菜魚，令我哋垂涎三尺，十分吸引，即刻發揮我哋女仔善變嘅性格先～～😆。我哋點咗：✨黃金豆腐$68香脆的炸豆腐再沾上酸甜汁，作為飯前小食一流。🐟椒麻酸菜魚$288一大盤盛上，氣勢及賣相兼備💓，鮮美嘅魚肉配以花椒香氣、微辣🌶酸爽嘅湯頭，這道酸菜魚的口感特別好，因為係以大龍躉魚🐟做的，龍躉魚肉連晶瑩剔透半透明嘅魚皮，放入口軟中帶彈牙，滿滿的膠原蛋白🤭。🦑韭菜炒雙魷$168以鮮味嘅鮮魷及有口感嘅乾魷，兩種不同口感嘅魷魚搭配韭菜一齊快炒，惹味中帶清爽口感。🥬飛天啫啫通菜$128最後，來份香口惹味的飛天啫啫通菜，滿足口福嘅同時，也順道多點纖維、多點健康。