Video
Read full review
2024-10-27
354 views
久仰大名呢間韓國炸雞好耐，佢喺奧海城、尖沙咀、將軍澳都有分店，奧海城分店仲踏入開業一周年添，今日入開將軍澳探朋友，終於有機會去試吓啦。餐牌選擇當然以炸雞為主，除咗經典口味仲有多款創新嘅口味可以選擇，想試多款口味可以揀半半炸雞（$238），有「有骨」同「冇骨」可選擇，揀咗招牌青陽辣椒mayo 同瘋狂蒜香，炸雞擺得好靚好大份，招牌青陽辣椒mayo 係用咗墨西哥辣椒加沙律醬做醬汁，墨西哥辣椒嘅香味同沙律醬嘅甜味平衡得不錯，不會過分刺激但又保持惹味；瘋狂蒜香甜甜地好香蒜蓉味，鍾意蒜蓉嘅朋友必點。呢度嘅炸雞係用上鮮焗後炸嘅方法炮製，可以完美保留到肉汁，食得出比起平時嘅炸雞更加Juicy，非常推介！秘製黑醬炒年糕 $78傳統韓式辣醬炒年糕就食得多，今次第一次食秘製黑醬炒年糕，用上炸年糕再加黑醬汁及蒜蓉片，多咗一層外脆內軟嘅口感，黑醬汁微甜加埋蒜片一齊食，個人覺得呢個選擇比起傳統更好食。泡菜煎餅$118泡菜煎餅用料豐富，外層煎得好香脆，內層軟糯，放有大量泡菜，食唔停口。整體呢度嘅炸雞質素做得好好，難怪見到佢一直外賣單唔停手，下次會再嚟試吓其他口味。
餐牌選擇當然以炸雞為主，除咗經典口味仲有多款創新嘅口味可以選擇，想試多款口味可以揀半半炸雞（$238），有「有骨」同「冇骨」可選擇，揀咗招牌青陽辣椒mayo 同瘋狂蒜香，炸雞擺得好靚好大份，招牌青陽辣椒mayo 係用咗墨西哥辣椒加沙律醬做醬汁，墨西哥辣椒嘅香味同沙律醬嘅甜味平衡得不錯，不會過分刺激但又保持惹味；瘋狂蒜香甜甜地好香蒜蓉味，鍾意蒜蓉嘅朋友必點。呢度嘅炸雞係用上鮮焗後炸嘅方法炮製，可以完美保留到肉汁，食得出比起平時嘅炸雞更加Juicy，非常推介！
秘製黑醬炒年糕 $78
傳統韓式辣醬炒年糕就食得多，今次第一次食秘製黑醬炒年糕，用上炸年糕再加黑醬汁及蒜蓉片，多咗一層外脆內軟嘅口感，黑醬汁微甜加埋蒜片一齊食，個人覺得呢個選擇比起傳統更好食。
泡菜煎餅$118
泡菜煎餅用料豐富，外層煎得好香脆，內層軟糯，放有大量泡菜，食唔停口。
整體呢度嘅炸雞質素做得好好，難怪見到佢一直外賣單唔停手，下次會再嚟試吓其他口味。
Post
