Video
Read full review
2021-05-01
86 views
今次介紹呢間台式飲品係台灣人氣全素茶飲店，主打堅果奶蓋，適合純素者同對牛奶敏感人士。店舖喺2017年成立、2018年年底嚟到香港，先後喺新蒲崗、鰂魚涌太古坊、觀塘、旺角中心、九龍灣、中環、銅鑼灣、葵芳開分店。Nuttea主打五種堅果腰果、核桃、杏仁、榛果、夏威夷果經冷壓萃取乳化後製成嘅純堅果奶，加唔同嘅茶底、水果配搭出唔同口味嘅全素飲品。招牌奶蓋用上堅果製造，而且會不定時推出季節限定口味，好似多肉芒芒、士多啤梨堅果奶蓋茶等。-1️⃣ 伯爵朱古力堅果奶蓋茶 💰47（👅: 8.5/10）官方有提供飲法，首先扣住杯蓋，用匙羹𢳂黎食堅果奶蓋食。之後傾斜45度大啖咁飲，感受茶香同奶蓋，最後攪勻飲品品嚐特厚奶蓋茶，飲到多層次嘅濃厚堅果奶蓋。朱古力奶蓋係用咗五種堅果研磨，同朱古力結合，最後喺表層灑上厚厚嘅可可粉。奶蓋未飲之前聞到好香，已經見到奶蓋差唔多有1/3個杯，係我飲咁多間最厚既一間，飲落好杰身好creamy，入口綿密，朱古力香濃苦甜，會一啖接一啖咁食，每一啖都聞到朱古力既香，店舖會提供匙羹俾你𢳂黎食，最重要係就算擺咗好耐，個奶蓋都唔會沉咗落去同茶撈埋一齊，由於真係好多奶蓋，飲完成杯係好飽肚，而榛子
今次介紹呢間台式飲品係台灣人氣全素茶飲店，主打堅果奶蓋，適合純素者同對牛奶敏感人士。店舖喺2017年成立、2018年年底嚟到香港，先後喺新蒲崗、鰂魚涌太古坊、觀塘、旺角中心、九龍灣、中環、銅鑼灣、葵芳開分店。
Nuttea主打五種堅果腰果、核桃、杏仁、榛果、夏威夷果經冷壓萃取乳化後製成嘅純堅果奶，加唔同嘅茶底、水果配搭出唔同口味嘅全素飲品。招牌奶蓋用上堅果製造，而且會不定時推出季節限定口味，好似多肉芒芒、士多啤梨堅果奶蓋茶等。
-
1️⃣ 伯爵朱古力堅果奶蓋茶 💰47（👅: 8.5/10）
官方有提供飲法，首先扣住杯蓋，用匙羹𢳂黎食堅果奶蓋食。之後傾斜45度大啖咁飲，感受茶香同奶蓋，最後攪勻飲品品嚐特厚奶蓋茶，飲到多層次嘅濃厚堅果奶蓋。
朱古力奶蓋係用咗五種堅果研磨，同朱古力結合，最後喺表層灑上厚厚嘅可可粉。
奶蓋未飲之前聞到好香，已經見到奶蓋差唔多有1/3個杯，係我飲咁多間最厚既一間，飲落好杰身好creamy，入口綿密，朱古力香濃苦甜，會一啖接一啖咁食，每一啖都聞到朱古力既香，店舖會提供匙羹俾你𢳂黎食，最重要係就算擺咗好耐，個奶蓋都唔會沉咗落去同茶撈埋一齊，由於真係好多奶蓋，飲完成杯係好飽肚，而榛子既味好香濃，食落有D似金莎味嘅奶蓋。
茶底係伯爵茶，飲落茶底清香，唔會太甜，順口唔澀口，後勁會有柑橘既香氣慢慢滲出，好岩食完奶蓋之後飲茶平衡返味道同膩感。。奶蓋同伯爵茶攪勻一齊飲，茶就變成好醇厚既奶茶，會有新既味道出黎，感覺好似飲緊好厚冒朱古力奶，飲哂成杯唔會覺得滿口奶蓋或者飲到最後得返茶既不平均比例。。
-
⭐ 因為我成日去鰂魚涌，基本上所有台式飲品都係哂海光街，如果要係NUTTEA、茶湯會、芳揀一間飲，我應該會揀NUTTEA，一黎佢既飲品比較特別，口味都唔係平時台式飲品會常見，二黎佢係三間入面夜晚最早收，成日都無機會飲到，雖然呢杯招牌係特別貴，但其他堅果奶蓋茶、堅果奶都係大概30幾蚊一杯，同一芳差唔多，比茶湯會貴(10-20幾蚊一杯) ，所以如果我想飲珍珠奶茶就會揀茶湯會，如果我想飲奶蓋茶或者奶就會揀NUTTEA，而一芳我諗暫時只有金鑽鳳梨綠得我歡心。下次NUTTEA會想試台灣紅玉堅果奶蓋茶、四季春堅果奶蓋茶、粉紅莓好堅果奶蓋茶、香芋堅果奶，都係人氣之選。
-
👅味道: 8.5/10
🍴環境: 7/10
💰消費: $47 (服務費: NA)
Post