羲和雅苑

Open Now

Now Closed

好似好耐都冇食片皮鴨，咁啱同朋友傾開佢就提意，尖沙咀既羲和雅苑好唔錯，仲可以有海景睇，係夜晚食飯一大享受，所以今晚就決定黎食下。呢度環境真係好唔錯，環境靚，服務又好，今晚仲睇埋幻彩詠香江，好開心。預先我地就叫左半隻片皮鴨先，其他野都可以慢慢睇。佢既鴨竟然仲有食法教學。 師傅分左3個部分切，有只係脆皮，可以就咁食，有少少連肉既，可以用薄皮包住配芥未醬，之後係肉多既部分就可以再加多啲配料，仲有爆炸糖㖭，真係好新奇。而且佢既鴨都好皮脆肉嫩，同以前食既又真係幾唔同，好食。跟住又叫左幾個特色菜，酥皮酸辣湯，芥未沙律蝦球，北京丸子，都真係幾新奇幾意外，好值得試。仲有擺盤好靚既蒜茸粉絲蒸娃娃菜，同傳統既小籠包。而最後亮點係彩虹湯圓配薑茶同椰香芋圓紫米露。 看似普通，但又真係好特別。 2款甜品都好香，份量又剛剛好，食完成餐都圓滿晒。