牧羊少年與他的浮萍

Open Now

Now Closed

呢一間牧羊少年與他的浮萍都開咗成年，今日先第一次過嚟。同其他牧羊少年定位唔同，佢係一間西餐廳夜晚仲會變成西餐廳，而且仲有酒吧添。近窗望住文化中心，仲有少少海景添。見佢主菜都有啲變動，就叫咗一個由開店至今都keep住嘅慢燒威士忌保濕三黃雞配燒新薯及西蘭花苗。即叫即整，製作需時，所以唔好急呀。大約半個鐘到就上菜，份量有半隻雞，𥚃面啲雞骨除咗雞髀同雞翼，全部已經去曬骨，食嘅時候好方便。外皮好薄好脆，肉質雖然唔係非常之嫩，但威士忌嘅酒香已經，入曬隻雞入面，有啲醉雞嘅Feel。係好食。之後叫咗個甜品無花果合桃焗流心芝士撻配焦糖脆脆＇芝士撻好creamy ，加埋合桃香真係好正，而且仲係熱辣辣。