名館 (Closed)

星期六2:30pm似係非繁忙時間，食客唔算多，飲茶食點心的確幾理想，名館地方都算大，裝修幾有特色，場內播放西方歌曲，似乎想擺脫傳統中式酒樓格調，呢度座位之間寬闊，不過兩人位就冇地方放袋，感覺有啲麻煩，不過侍應都好好，比一張凳我地放袋。名館嘅價錢都幾貴，食物嘅碟頭都幾細，不過一分錢一分貨，做出嚟嘅食物質素相當好，而且好多點心嘅做法都相當特別，係出面一般酒樓食唔到嘅，加上有半價優惠，一試無妨，至於侍應服務，尚算不錯，添茶和收碟都好殷勤。