熊亭新和風駅 (Closed)

星期5晚上去同朋友一齊食飯，差唔多一年之前食過熊亭一次。估唔到一年後質素有增無減，真係唔錯的日本料理，比起銅鑼灣某幾間好好多。決定第一次打食評讚下佢。刺身: 歀式比起一般日本放題店多，而且永無漏單比少，寫幾多黎幾多。本人比較中意食三文魚同吞拿魚都覺得好肥美OK。串燒: 唔知係咪太多人叫串燒，所以串燒黎的時間比較耐同無甘齊，而且燒得比較焦，但推介呢個牛柳粒，真係好正D肉汗。炸物: 天婦羅、吉烈蠔等等炸物都唔錯，但係無咩特別囉。飲品:只係得汽水得GREEN TEA，酒個D要加錢囉。其他: 其實仲有好多咩烏冬拉麵等等，不過主要都係食上邊介紹的食物多。特色食物: 魚奶湯等等其他特色食物都有不少，比起一般日本放題多，但無咩點同試過唔敢講話好唔好食。總結: 由於星期5晚上去，價格較貴埋單要成二百蚊一位，但我覺得都算值得，起碼點咩有咩，同埋自己中意食刺身，覺得幾正。仲有服務同食物都真係不俗，但最衰雪糕每人得一球唔能夠任食。