亞蝦 (Closed)

今日路過喺街口俾佢個粉紅色嘅招牌吸引左，見到係食蝦湯麵同喇沙，就二話不說行入去。蝦肉片米，個蝦湯非常濃郁，份量唔少，仲有啲菜，成個組合ok嘅，$58唔貴。喇沙湯米，睇得出同一般喇沙唔同樣啦？唔止唔同樣，仲唔同味... 食落係勁酸，完全係冬蔭功味，成碗都係好似湯渣咁。配菜都唔合心意，個肉丸勁霉勁難食，無端端落啲菠蘿一啲都唔match。啲米粉係咁嘅樣，質感比較有彈性，嚡過一般廣東米粉。我都唔敢講呢個煮法同埋食材係咪某個地區獨有嘅味道，只係香港人食唔慣？但另一樣令我好在意嘅係，星馬菜餐廳，播咩韓文歌？？？係咁播快歌完全係格格不入，食品質素同環境都有待改進。