蘇媽.蘇媽馬來西亞茶餐室 (Closed)

時常經過都見到人山人海，梗係唔等啦，今日路過竟然唔洗等，於是決定入去試一試佢D馬拉風味。其實好多樣都想試，但係Tea Time又唔可以咁堅揪，於是就叫了兩樣最想試的開心Share，就係蝦麵同叻沙。食完，句號，蝦麵正正常常啦，雪蝦黎講都算新鮮，湯底個味都OK。個叻沙味道當然不及馬來西亞同新加坡食到的水準啦，但係整體的味道在香港類似的餐廳食店黎講都算可以啦，不過又未去到好好食，又唔係一試難忘，真係唔明白點解咁多人排隊，講真如果排隊計埋入去，就唔係好值得了。