616牛肉火鍋專門店 (彌敦道)

Open Now

Now Closed

食牛肉火鍋，一定會揀呢間616，已經食過好多次，雖然價錢唔算特別平，但勝在好味同有唔同嘅牛揀，係不錯之選。今次試左牛雜湯底，湯底入面除左有大蔥、芹菜外，已經有頗多份量嘅牛雜，如：牛肚、牛腸，牛膀、牛肺咁，最多就係牛肚。叫牛雜湯底就好似已經叫多左款餸。牛朴肉：唔韌，脂肪分布也十分平均安格斯-橫隔肌：啲肉比較碎，偏瘦，但好有牛味牛舌：較為普通，厚薄適中，唔可以淥太耐，如果唔係就會韌胸口膀：口感較為爽脆，但全是脂肪，因此食多幾塊後就會覺得肥膩滑尾龍：份量算多，牛肉上有隻生蛋，將佢哋撈埋一齊，口感似滑牛，十分嫩滑。好味，我地最後再叫多次呢款。手打蝦滑： 十分爽口彈牙鴨血：份量好多，而且係結實的鴨血，不錯。記得食牛嘅時候，一定要試秘制牛肉汁➕2滴柑桔汁，更加能夠食出牛嘅鮮味😋。雖然只係兩個人，但都可以食到幾款嘅牛肉，仲要好飽。同埋提提大家，616係沒有加一服務費，但醬料係每位需要加10蚊。