Video
Read full review
2009-04-10
19 views
呢日假期行開來呢頭，見呢度promote緊$1隻片皮鴨，諗住平平地叫一隻，再加個菜添，就可以唔使同新城市廣場入面d人逼啦。一入到去，可能時間尚早掛，連六點都未到，所以真係無乜邊枱有人。坐低睇吓菜牌，原來$1片皮鴨係一吃，如果加$48就可以兩吃。於是即刻問吓部長，佢話加四十八蚊可以一鴨兩吃，例如加多個「涼瓜炒鴨件」咁，因為老婆唔係咁鍾意食涼瓜，於是都係只叫左一吃，然後隨便再點多個「馬拉盞炒通菜牛肉」，加多碗「螺頭燉雞腳湯」兩公婆share就算嘞！個湯先來，份量同味道都算正常，湯料也足（雖然都知道街外湯不能苛求，一定有師傅幫忙）。不過個片皮鴨來到之後，就出事啦！本來一切都係正常嘅，有個片皮師傅推架車出來一塊塊咁片皮，看來好似都幾正宗，但係一端上桌，我地兩公婆筷子一夾，竟然發覺幾乎每塊鴨皮都係無肉連住咁滯（個師傅的刀功實在太好啦，真係幾乎一d肉都無），而且頗為油膩，否咬落去真係成口都係鴨油（老婆可能唔習慣咁油，返屋企後仲肚痛兼肚瀉添），伴住鴨皮食嘅配菜又欠奉，雖然呢隻鴨只係$1，但我寧願佢照收原價，但係多番d肉好過啦！至於碟通菜牛，份量就都幾多，味道也過得去。總括來講，呢度其他嘅菜so fa
個湯先來，份量同味道都算正常，湯料也足（雖然都知道街外湯不能苛求，一定有師傅幫忙）。不過個片皮鴨來到之後，就出事啦！本來一切都係正常嘅，有個片皮師傅推架車出來一塊塊咁片皮，看來好似都幾正宗，但係一端上桌，我地兩公婆筷子一夾，竟然發覺幾乎每塊鴨皮都係無肉連住咁滯（個師傅的刀功實在太好啦，真係幾乎一d肉都無），而且頗為油膩，否咬落去真係成口都係鴨油（老婆可能唔習慣咁油，返屋企後仲肚痛兼肚瀉添），伴住鴨皮食嘅配菜又欠奉，雖然呢隻鴨只係$1，但我寧願佢照收原價，但係多番d肉好過啦！
至於碟通菜牛，份量就都幾多，味道也過得去。
總括來講，呢度其他嘅菜so far係ok嘅，不過隻鴨可能係將貨就價啦，似乎就爭d啦！
埋單連茶芥，白飯、加一都要$125落樓，其實都唔算好平，不過唔係貴咁啦！其實呢都未必唔會再去食嘅，不過專誠去幫襯就應該唔會囉！
Post