京都高級宴會廳 (Closed)

星期六諗住同媽媽兩個去飲茶！12點去到拎張飛話要等5至6張枱 好啦諗住好快 點知等左成個鐘！眼見d客有出無入就開始覺得奇怪！再細心留意下 原來d熟客自己落去搵經理拎枱！一個係咁兩個又係咁!!! 結果睇住成5,6張枱都係咁樣俾晒d熟客 而我地呢d唔識人既就係到呆等! 話就話等5 6張枱但其實係等緊十幾張枱！同個知客講佢仲聲大大咁話無呀我都無帶人落去坐! 但我明明睇住佢帶佢落去跟住個經理級既人幫佢搵左張枱坐低!!! 結果我同媽媽兩個人等左成個鐘先有位!!! 真係等到火起！仲搞到我地由本來唔趕時間等到要勁趕咁食! 真係短期內都唔會再黎!

從墾丁回港，可謂車機勞動，返媽媽家放低晒行裝，同爸爸一齊去食晚餐，亂咁食左幾日，媽媽話正正經經去酒家食下小菜啦，於是揀左大會堂呢間「京都高級宴會廳」可能呢晚開始想打風，無乜客人，我地三個人坐張六人圓枱，好鬆動，店員更細心咁提示媽媽邊個係風口位唔好坐o個邊。一坐低就比一張「3大晚飯皇牌」嘅menu 吸引左，幾樣野睇黎都幾抵食，亦合理地只可以享用其中一樣驚喜價1.蒜蓉蒸波士頓龍蝦~ $38 半隻 , 以價錢黎睇 , 應該只係好似虎蝦咁o既 size 事實係 ... 有手掌咁長 , 連埋個大龍蝦鉗 , 非常抵食 !蒜蓉適量而且好香好好味 , 蒜煮火侯剛好 , 保持肉嫩味美龍蝦啖啖肉 , 鮮甜彈牙 , 豉油咸左少少 , 如果有粉絲就正喇 鉗o既肉又有另一種口感 , 較為淋身 , 無咁重蒜味 , 多一份海水鮮味2. 百花煎雞脾菇~ 百花即係蝦膠 , 好似煎釀三寶咁 , 釀o係雞脾菇上面煎香再埋返個酸酸地o既芡汁 , 幾特別 , 個芡汁都幾好味雞脾菇淋得黎都仲有 d 爽口 , 唔錯 =) 蝦膠可以再煎得香 d 3. o者o者蝦醬通菜煲~ 本身 menu 係跟唐生菜 , 店貝話賣晒 .. 所以轉左做

母親節黎飲茶, 第一次, 但唔會有下一次!!d野超級唔好食!!xxxx餃(唔記得個名, 英文話係vegetarian, 但係係有肉...)個皮勁"梅"流沙包係好流, 但係係假流--> 糖水.....最過份係叫左呢個"小食"貨不對辦!!!好過份!!!唔會再黎!!!

今餐沒相有時間就看，沒時間就略過。請見諒，謝謝。鮮蝦菜苗餃--蝦夠彈牙大隻，亦食得出菜的鮮味，看菜葉比巿面買的剁得大塊冇咁細膩像餡蓉，觀感有diy feel都係一件可喜的事，只係個餃皮推測一係昨夜晚巿的剩餘貨尾一係蒸時有水滴濕個餃皮以致用筷子從蒸籠夾起時較為黏及質感較爛，像用飯煲翻蒸舊飯那感覺。燒賣皇--原本去茶樓不一定要食蝦餃燒賣的我是因為怕怕它的肥，但今次我又出奇覺得燒賣很彈牙又不太肥以致我的喉嚨要ur油頂住胃。春卷--這個新鮮滾熱辣上菜即食，平日去酒漊這個唔係必食的我都忍唔住encore，因為春卷炸得不會一陣很臭的油益味。鹹水角--因為平日一貫又係去茶樓唔係必食這項，故覺與一般鹹水角無異，夠熱辣內餡稔就已可以，說得上對這項沒要求。燒味拼盤--一般，因本人一向不喜歡燒味故沒意見。富貴花姿蚌片--都ok，可幸是個蚌片炒完都仍幼嫩帶鮮味。花膠海參粉絲羹--在旁的那位不想食而帶挈我幫佢擦多碗，但一向對山珍海錯沒太大研究通常食完算。都係一貫做法找濃湯餚其實去到任何一處普通食肆我都視作味精湯，其次湯料都算多又魚肚又其他貝類算係咁的了。蠔皇飽螺片時蔬--螺片算爽嫩食得出鮮味，我諗蠔皇即蠔油獻，

數十年老朋友的聚會，散居港九新界各地，能找到適中的地點是沙田。由於不能訂位，只有早到佔位置，老友重逢不在乎食物品質，只要能相聚一堂閒話家常便能盡歡。餐廳離鐵路站6~7分鐘步程，但標示不明缺乏指引，應有改善空間。但相較於商場的人流擁擠的食肆一位難求，輪候時間太久，這反而能吸引不在乎食物品質的客人。餐廳樓下是婚姻註冊處，亦方便新人或準新人宴客餐聚，全場客滿在於位置的優越而非其他。如同一般粵式酒樓，午市供應各款大路點心與粥粉麵飯，以常物質素而論沒有驚喜，甚至難給與合乎一般午準的評價。腸粉、蝦餃、帶子餃皮厚味薄，山竹牛肉鬆散而無肉味，腐皮捲火候不足無酥脆口感，蘿蔔糕、馬拉糕、炒飯、炒麵也只具填飽胃場的功能。繁忙時段工作人員顯然力不從手，不過態度尚可，並未遇到惡形惡狀的對待。綜合而論地點是優勢，食味並非經營重點。

得好契爺邀請去沙田食素宴,做善事的心係好.但呢餐飯真係幾難哽,因差不多25分鐘才上到一度菜,由6:45pm食到9:30pm,我只係食左5度菜,係飢寒交迫又無咩精神的環境下,提前離場,去左附近的hip壽司補吓澱粉先回家.成世女,食得最痛苦的一餐齋呀不知係咪要就拍賣時間,抽奬,唱歌,演奏等儀式,所以要攪到枱枱都有人走.大會和酒樓的安排都好失檔.但食物,以唔係素食的酒樓去做素菜,都係一般的水準.但我都好多謝契爺請我來吃呢餐充滿善心的飯.不過如果佢地關心吓大家的肚皮,就不要有這樣上菜咁差的安排.彷燒味拼盤,雙菇伴菜,芋頭魚,素翅,彷肉丸伴西芹.......都係一般.但都不要要求太多.有得食都好架喇.重有成6,7度菜未食.(伊面,羅漢上素,飯,甜點等...)呢餐真係永世難忘是日最開心的事係見到張雷和樊亦敏小姐係度做主持和唱歌,兩個都唱得吓.有驚喜樊亦敏真人都幾靚.

先說清楚，笑臉其實是比服務人員同個場既，至於食物就…..上一次朋友結婚去沙田影相，影完後我們經過lee間宴會廳想飲茶，不過無位，見裝修幾靚，今次同班fd試下晚飯。老實講，地點不好找，無路牌，又多花草遮住，我好多個fd都唔到要打比我幫手。好啦，講番食物，我地叫左： 冬瓜盅配片皮鴨 $168，隻鴨真係好細，片皮鴨又真係得塊皮，少少肉都唔比我地喎 帶子賽螃蟹 $88，無味，重出水 燒腩仔，牛展小食，各$30 椒鹽加拿大桶蠔 $118，d蠔不新鮮，有隻重變左 味道…… 還有其他幾款菜色，不提也吧 d 野食水準認真麻麻…我們食了約$1000，每人百零蚊，環境裝修靚，服務好，可以說平過美心，不過食物味道不佳，過於普通，試過還左心願就算

今日去飲,番來即刻打食評!!!!!!!!!!萍姐姐結婚,係到擺酒,呢餐D野食我都幾滿意~雖然都係一般所食既野,但係我好少去飲,所以我都食得幾開心~但係我唔多記得有乜食喇,我大約講下!!!乳豬大蝦帶子炒西蘭花石斑鵝掌螺片炒菜翅湯蝦片蟹鉗瑤柱髮菜冬菇炒菜乜乜E麵瑤柱乜乜炒飯紅豆沙橙乳豬: 我初初以為係連骨架,我食個皮先,FEEL到下面好硬就冇食,點知見家姐食哂,先食下面都係肉唔係骨,原來係佢太硬...大蝦帶子炒西蘭花: 我係蝦怪,亦係帶子怪,所以我一定話好味!!!講真又真係OKAY~佢梗係冇用冰鮮,蝦,帶子大大粒,好好肉,正!!!西蘭花炒得偏硬,可以煮LUM少少!!!石斑: 好嫩呀D肉,時間蒸得岩岩好,真係好正!!!!!!!!!!!面豬登個位仲嫩鵝掌螺片炒菜: 冇乜特別,我冇食鵝掌,螺片唔UM,幾好味,菜亦冇特別翅湯: 估唔到又幾足料,幾多翅下,都食到好多蝦片蟹鉗: 真係蝦片架!!!而且又唔同色,我見有綠色添!!!另外就係超巨型蟹鉗,諗住好好味啦,點知一咬,個蟹鉗UM到可以掟死人!!!!因為佢唔係真蟹肉,似膠質咁,呢個就真係唔好食,係難食!!!!!!!!!瑤柱髮菜冬菇炒菜: 冇乜特別既一道

昨天我們大老板(日本人)來港, 由於無訂位, 去左宜間嘢食晚飯, 我們四個人, 叫左一個4人套餐,另加3隻crab, 再叫紹興酒, 佢地送菜上來時好急, 送完隻crab無耐就即刻上埋其他餸菜, 拆完隻crab其他餸都凍晒, 另外紹興酒又唔俾話梅, 佢話話梅另收30元, 實在無理由....如果知佢地咁黑店我下次一定不會再來....

三月十八‧間中有雨 假日在沙田區飲茶，都知會好墟埳，無論是利苑、美心及稻香都人頭湧湧。醒起這邊也有茶樓，來碰碰運氣，果然完全不用等位，還有開揚景觀，加上這裡樓底高夠光猛，環境不錯的； 點心是剔紙仔的，選擇可不少。水準方面，以炸項的質素最高，鹹水角、春卷及煎堆仔也熱辣好吃。炸魷魚鬚尤其喜歡，鬆脆可口，不是吃起來較油膩的關係，獨吃一碟也可以的；糕類以芋頭糕最好吃，將芋頭切小片疊成的，調味做得好，很香的芋頭味道。蘿蔔糕及馬蹄糕也一般，做得太軟身了，沒有質感；包類還可以，叉燒包是「爆口」得過份，流心奶王包真的很「流」，奶王餡真是噴出來的，要小心。麻蓉包的麻蓉餡幾香甜，不過包做得不夠鬆軟，美中不足；其他鳳爪、牛肉、鯪魚球等等的點心也平平穩穩； 服務算不錯，如果找到人來的話，態度是很好的。但可能因為場面難在不小，很多時也要揚手好一輪時間才會找到人的。 吃了不少的點心，埋單每人八十幾，算是不貴。但水準方面，應不及利苑及美心般好。

今天我去左這裡飲下午茶, 我推埋 bb 車去, 點知突然有個 女部長 (黑衫的) 姓黃的, 突然推動我架 bb 車, 當時我個仔在車上睡覺, 那女部長一面推一面大聲罵我們 " 你架車阻住條路呀, 這條是我們的通道, 你推埋去得唔得呀!! " 跟著我個仔就比佢嚇醒狂喊, 之前又沒跟我們說過, 突然就罵, 我當然嬲得要命, 我便跟她理論要求她道歉, 她不但不道歉, 仲要罵我是我不對, 我便興上來, 大聲罵回她, 她竟然說嚇親我個仔的是我, 不是她, 又不停罵我惡, 令我更嬲, 她一面罵一面走開, 再不停跟她的同事指著我們說三道四. 態度差得令人法止........一間都算有些水準的酒家竟然有這種那麼沒水準的"部長" 太不要得.

沙田區同事介紹，話呢度有一蚊雞食，仲要係好大隻，即日就約埋雞痴老老黎食。碟雞真係好大碟，完整一隻無花假，燒得都幾香口。我同老老既食量，食完呢一隻雞都飽喇，但係又唔可以唔叫野食架，所以叫左個花膠魚湯浸莧菜，$68。嘩，又係好大碟。叫左一個飯，連小食茶位加一都係$109，好抵呢。仲有糖水送，不過唔係主動比你，係要你問先有。(好彩同事一早話我聽有o者)。成餐飯最唔likeh係我比$120佢，佢竟然唔找錢，問成兩三次，等15分鐘先施施然行過來 (成晚都唔係忙既)。令人感覺很差。結果，我一蚊貼士都唔比。

和一班大學同學參加了其中一個同學的行禮儀式，禮成後，和他們就在附近吃一個午餐，就在沙田的婚姻註冊處對上的一間酒樓了事，一走進店內，金碧輝煌，又有大禮堂，很明顯的，肯定有很多人在這裡擺酒的呢。其實午市也真的很多選擇，但本人由於掛住談天說地的，沒有負責點點心了，所以也不大明白最後為何他們會點很多打雙來的點心。甫坐下，又是大家喝一口茶的時候，我這個阿伯當然要喝普洱，此普洱，色也是夠深的，其實也是應該再深色一點，而且此茶是不甘不香的，是一杯不好的普洱，所以也漸漸凡接受，只有到蓮香樓及陸羽，才好喝普洱呢。燒腩仔，看起來太瘦了，中間那一層脂肪，得個肥字，是一點也不香的脂肪，而且瘦肉部份的肉質非常鬆散，加上不辣而又出奇地酸的芥辣，真的是吃了一塊已沒有再吃的衝動了。山竹牛肉，下得多粉一點了，牛肉球鬆鬆的質感是正常的，但是就是鬆得以為自己不是在吃肉，但馬蹄粒也下得夠，爽爽的，豐富了咬感，而其香味也是感受到的。燒賣，其餡也是太鬆了，基本是很勉強的黏在一起，蟹籽也不香，點辣椒醬了事；蝦餃是大大粒的，而在內的蝦也未至於是太腍的，但肯定的是不太爽的，而且皮也是厚得要命，不好吃呢。吃過幾近沒有蘿蔔的蘿蔔糕沒有，大

星期六清明尾站在沙田, 因為早前在市區洒樓另一分店見到有一蚊片皮鴨, 晚上便到沙田此店一試. 六時人流不多, 大堂光明寬闊華麗. 晚間更見到連接城門河橋上的燈泡, 頗為浪漫.四人同行因不太餓, 只叫了一蚊片皮鴨, 同期優惠的一份澳洲龍蝦伊面及迷你冬瓜盅. 片皮鴨與一般原價的並無分別, 薄餅上沾有小量芝蔴, 十分好吃. 龍蝦伊面份量都夠充足, 龍蝦質感亦爽口. 至於冬瓜就藏在大大的金盅內, 大方又得體; 味道新鮮而又足料. 觀察其他人枱上, 可說大部份人都點了片皮鴨及龍蝦伊面.吃完後有免費糖水, 選擇很多; 有紅豆沙, 綠豆沙, 紫米露, 芝蔴葫等.侍應態度良好. 其怪的是整晚都很清靜, 高峰期店內亦只有七八成滿. 我們想這是不是與它的 位置(在大會堂的另一面) 有關嗎?小妹不滿當日未有跟我們吃此餐美味的晚飯, 所以一星期後又帶她到裏晚膳. 可惜優惠龍蝦伊面沒有了. 而片皮鴨的薄餅好像比上次小了幾塊. 但整餐都可說是不過不失.

呢日假期行開來呢頭，見呢度promote緊$1隻片皮鴨，諗住平平地叫一隻，再加個菜添，就可以唔使同新城市廣場入面d人逼啦。一入到去，可能時間尚早掛，連六點都未到，所以真係無乜邊枱有人。坐低睇吓菜牌，原來$1片皮鴨係一吃，如果加$48就可以兩吃。於是即刻問吓部長，佢話加四十八蚊可以一鴨兩吃，例如加多個「涼瓜炒鴨件」咁，因為老婆唔係咁鍾意食涼瓜，於是都係只叫左一吃，然後隨便再點多個「馬拉盞炒通菜牛肉」，加多碗「螺頭燉雞腳湯」兩公婆share就算嘞！個湯先來，份量同味道都算正常，湯料也足（雖然都知道街外湯不能苛求，一定有師傅幫忙）。不過個片皮鴨來到之後，就出事啦！本來一切都係正常嘅，有個片皮師傅推架車出來一塊塊咁片皮，看來好似都幾正宗，但係一端上桌，我地兩公婆筷子一夾，竟然發覺幾乎每塊鴨皮都係無肉連住咁滯（個師傅的刀功實在太好啦，真係幾乎一d肉都無），而且頗為油膩，否咬落去真係成口都係鴨油（老婆可能唔習慣咁油，返屋企後仲肚痛兼肚瀉添），伴住鴨皮食嘅配菜又欠奉，雖然呢隻鴨只係$1，但我寧願佢照收原價，但係多番d肉好過啦！至於碟通菜牛，份量就都幾多，味道也過得去。總括來講，呢度其他嘅菜so fa