半島漁港/阿翁火鍋館

Open Now

Now Closed

呢間野啱啱開時已想試下，但見佢每位258就有啲卻步，尋日因緣際會就去試下，任食火鍋會有海每枱一份嘅頭盤，有刺身、海鮮火鍋拼盤、手切肥牛、鮑魚鵝掌，除左肥手多筋少少之外都算唔錯，有牛味，其他野都不過不失。到任食部份就係災難嘅開始，任何任食嘅餐廳，漏單絕對係無可饒恕嘅死罪，寫幾張單都三催四請至上到枱，我地尋日食過:墨魚滑，鹼水味超重蝦滑，有怪味韭菜餃，塊板皮厚過腳甲，硬過紙板，韭菜饀唔好味，不知所謂芝士腸都有怪味魚皮浸完湯後好淋好韌肥牛垃圾鵝腸有怪味，越食越粉鱔冇鱔味餉鈴唔掂最好食只有金菇最後都有好多野出唔到。其實啲野好唔好食，個老細睇下啲客食剩咁多野都知咩事啦，講真價錢真係事少，食埋啲咁嘅垃圾真係幾平都係假，咁嘅酒樓竟然有幾間分店簡直令人嘆為觀止。