半島漁港/阿翁火鍋館

Open Now

Now Closed

依日係天水圍想搵間酒樓食晚飯，見到網上介紹半島漁港晚市3揀1燒味$1優惠，咁抵食我哋就入去啦！另有多款小菜選擇，炒粉麵飯同海鮮都有，種類繁多。入到酒樓，環境都好光亮，地方好大，覺得唔會有壓迫感，近門口有幾張卡位，舒適寫意。至尊燒鵝見到晚市有好多優惠，極品BB豬、至尊燒鵝及海南文昌雞全部都係 $1，真係好抵食呀。另外，優惠三寶 $398 及 優惠四寶 $568，一樣都好划算㗎。三款 $1 燒味優惠，我揀咗燒鵝，皮脆肉嫩，新鮮即切且啖啖肉，聞到濃郁嘅鵝油香氣，好好味。優惠三寶      $398    㰖角骨、清蒸富貴斑 及 白汁明蝦球㰖角骨呢款小菜比較少食，用㰖角加排骨煮製而成，味道特別，散發淡淡欖角嘅鹹香味，肉質惹味香脆，唔會過鹹，亦有少少甜，排骨煮得好入味。清蒸富貴斑富貴斑蒸到啱啱好熟，魚皮柔韌又濃郁鮮味，魚肉亦非常嫩滑而且好新鮮，清蒸可保留魚肉嘅原汁原味。白汁明蝦球大大隻蝦球，好吸引呢！蝦肉結實而彈牙，口感豐富，配搭白汁，味道少少酸，真係好開胃。白飯每粒都有咬口，軟硬度剛剛好，米飯香氣四溢，用嚟伴小菜最啱。最後送埋糖水紅豆沙，香甜潤喉，滿足了！

之前都嚟過 "半島漁港" 飲早茶，點心都唔錯。呢日經過門口見到有優惠，星期一至五晚市燒味3選1都係 $1，有至尊燒鵝、極品BB豬及海南文昌雞，仲有即叫即炒嘅小菜、海鮮、鮑參翅肚等等，立即入去品嚐下依間嘅美食啦！酒樓地方寬闊，裝修簡約時尚，明亮開揚，枱與枱之間唔會覺得擠迫，感覺舒服。首先上枱係酸菜 $13，醋黑木耳，酸酸地好爽口又開胃。白飯 $10，米香粒粒分明，軟硬適中，配搭小菜就最啱啦 ~海南文昌雞2-3位 $1 優惠限購海南文昌雞半隻，以兩人嚟講份量都唔少。文昌雞皮薄爽滑，肉質鮮嫩，咬落juicy，雞味夠出，點埋蔥油同醬汁，味道層次更唔同，別有一番滋味！潮式煎蠔餅        $128一上枱已聞到香氣撲鼻，厚厚嘅潮式煎蠔餅，外層炸至金黃色，食落口感非常酥脆，蠔仔份量多，都幾大粒，蠔味濃及新鮮，蠔餅沾埋魚露一齊食，滋味大滿足！半島小炒皇        $128每間食肆小炒皇嘅材料都未必一樣，呢度好大碟，份量足，材料主要用韮菜、鮮蝦、蝦乾、炸銀魚仔、北寄貝、紅椒黃椒、腰果等等，種類繁多，食材唔複雜，但好考功夫，依碟小炒皇夠鑊氣，韮菜油亮爽嫩，蝦乾鹹鮮惹味，仲有最鍾意嘅腰果，好香脆，令

我老母話我好耐無同佢食飯之落樓下食個快飯，老人家最中意飲茶叫餸食飯，好在見到啲套餐都唔係好貴，唔洗食左個女隻車2至3位有小食1款，是日老火煲靚湯或豆腐海皇羹，燒味單拼或雙拼，廚部小菜兩款同滋潤糖水都係$488其實我打呢篇野之前見到好多差評，但真心覺得野食唔差有水準喎到底佢地係味用幾百蚊價錢但用幾千蚊既質素去評論？3個人食黎講我覺得價錢好合理，最緊要係佢仲有得簡，唔係set定曬最緊要一定要加佢$1️⃣既小菜，千祈唔好錯過吖！！！真心好出色又唔會得肥膏老火湯係赤小豆粉葛鯪魚雞腳，清熱下火去濕唔係味精湯仲要上晒成都湯渣俾你，黎到仲同佢講我地無叫先知係我地足料湯渣好難得我阿媽話碗湯好飲又足料，足足有五至六碗滿燒味雙拼絕對唔惹少，平日好多人喺燒味部度買，估唔到佢啲色水又真係幾靚，而且份量都唔少，味道所屬正常，對得住個餐小菜高達20款選擇蜜桃冰梅骨份量多，而且即叫即做，啖啖肉甜甜的又香口，好好味😋蜜桃用咗新鮮蜜桃，不是腍啤啤浸滿糖水既蜜桃豉汁蒸大鱔賣相好睇味道出色，本身鱔都唔平，食落去啖啖肉，肉質爽口食完之後飽到我爭啲唔記得仲有糖水，有芒果布甸或者桂花糕選擇，我覺得兩款都唔錯，而我就比較鍾意芒果布甸，

臨近年尾多咗飯局，今晚同屋企人去咗天水圍的半島漁港，最近推出的晚市優惠實在令人心動。因為星期一至五，只需$1便可以品嚐到外脆內嫩的至尊燒鵝王，這道經典的燒鵝不僅色香味俱全，更是讓人垂涎欲滴的美味。這種優惠讓人忍不住想要一試，實在是超值！我們仲叫咗三寶套餐，僅需$398，就可以享受到多款精緻小菜以及新鮮蒸海鮮，真是物超所值呢款欖角骨，肉質鮮嫩，外層帶有脆脆的蜜汁外皮，咬下去汁水四溢，令人回味無窮白汁明蝦球，使用新鮮的明蝦製作，口感滑嫩，鮮美至極，讓人一口接一口。清蒸富貴斑，這條魚大得驚人，清蒸後保留了魚的原汁原味，健康又好味，用嚟送飯撈汁超級好食📍 半島漁港/阿翁火鍋館天水圍天華路33號T Town North 1樓N105-109號舖

冬至六人套餐，$2288連加一，唔算好難食，但完全唔值呢個價，8碟之中得燒鵝係會人覺得值得，其他都只係不過不失，同樣價錢喺其他餐廳應該有更好，之前散叫過都唔覺問題咁大，今次套餐嘅體驗唔太好，唔推薦。節瓜蒸得唔夠耐，仲係有啲生；條魚唔知係蒸法定新鮮求問題，有啲腥；海皇翅唔熱，份量好少，一人一碗消都無；鮑魚好咸；糯米飯好爛。整體唔係好差，但絕對唔值得$2288，應該唔會有下次，令人失望的體驗，希望之後會再改善。

是日好友約左去天水圍半島漁港食晚餐。好快被安排好座位，叫定茶飲住睇菜譜。$1優惠3選一真係無可能唔叫。最後叫左上湯焗美洲龍蝦伊麵底配清蒸老虎斑仔，蒜蓉粉絲蒸聖子皇，老火湯，魚香茄子煲，特價至尊燒鵝皇。上湯焗美洲龍蝦伊麵底-龍蝦啖啖肉，鮮甜爽口彈牙。個汁調校得好到位吸收埋龍蝦汁一流。清蒸老虎斑仔-魚肉鮮甜滑口，唔會有泥味。魚肉肉質都好好。蒜蓉粉絲蒸聖子皇-聖子肉質爽甜嫩口又夠鮮味，配合大量蒜蓉及粉絲底，將聖子鮮味增加不少。老火湯-赤小豆粉葛雞腳鯪魚湯足料香濃，唔係飲完口乾個d。鯪魚湯鮮味仲有好香既骨湯，真係正。魚香茄子煲-熱辣辣成煲上枱，茄子夠淋配上咸香肉碎一流。特價至尊燒鵝皇-1蚊超抵食，用蠟燭台熱住黎食免得凍左。燒鵝皮脆肉滑油脂分佈岩岩好，唔會過肥又不失鵝香。食完仲有紅豆沙送，甜度岩岩好。紅豆煲得夠淋起沙味道好。

星期一至五惠顧晚市就可以激抵價食到$1 至尊燒鵝王，外脆內嫩的經典燒鵝，酥香可口，令人垂涎欲滴，一蚊就食到好抵啊另外介有多款優惠套餐，我地今晚試咗個三寶套餐，$398有齊幾款小菜仲有蒸海鮮非常抵欖角骨肉質鮮嫩，味道濃郁的欖角骨，外層帶脆脆蜜汁外皮，咬落去肉汁爆滿白汁明蝦球新鮮明蝦製作的白汁球，口感滑嫩，鮮美無比。清蒸富貴斑大大條清蒸的富貴斑魚，保留了魚的原汁原味，健康又好味，一家大細岩哂甜品試咗佢地桂花糕甜而不膩的桂花糕，點知姐姐又比咗人頭數陳皮紅豆沙，滿足哂📍半島漁港/阿翁火鍋館天水圍天華路33號T Town North 1樓N105-109號舖

今晚去到天水圍同朋友吃晚飯。我地點左以下食物-上湯焗美洲龍蝦伊麵底配清蒸老虎斑仔，蒜蓉粉絲蒸聖子皇，老火湯，魚香茄子煲，特價至尊燒鵝皇。見到佢個$1燒鵝，掛左咁多係度即燒都好難唔叫。上湯焗美洲龍蝦伊麵底：伊都煮得好好味道唔會過淋又吸到龍蝦鮮味。清蒸老虎斑仔：都算大條，魚肉嫩滑爆上蔥加甜豉油非常好味道。蒜蓉粉絲蒸聖子皇：生熟蒜爆油非常野味，粉絲底吸取聖子鮮味。老火湯：粉葛鯪魚排骨湯，去骨火下火既湯。湯清甜香濃好味道。魚香茄子煲：熱辣辣煲仔，茄子新鮮肉碎份量好多喎。特價至尊燒鵝皇：$1既燒鵝堅抵食呀，皮脆肉嫩。埋尾送多個紅豆沙俾你個甜品胃過下引。仲有值得一讚係服務態度，有溫度既服務。

朋友做咗啲傻野之後😌，我問佢“傻的嗎”😆？之後佢就唱“邊個話我傻？我請佢食燒鵝！”🤩之後就促成咗呢一餐😏📌🌟1️⃣蚊至尊燒鵝皇例牌🦢估唔到到一蚊竟然有大大隻燒鵝髀燒鵝色澤好均勻同好有光澤，皮下油脂恰到好處睇住師傅即叫即燒，燒到皮脆肉嫩仲好juicy添店員仲好細心用個小蠟燭嘅架🕯️🫕坐熱住，甘就唔怕食到一半凍晒❄️，而且食完之後個蠟燭都仲未燒完🔥，可以徹底保溫❤️‍🔥📌魚香茄子煲🍲原煲上熱辣辣！♨️茄子軟糯又入味，醬汁濃郁得泥鹹香惹味送飯一流🍚👍🏻📌本地龍蝦蒜蓉開邊蒸🦞平時食澳洲龍蝦多，本地龍蝦一定要支持睇住新鮮紮紮跳嘅龍蝦由魚缸秤上嚟，經過廚師烹煮之後，再送到枱上龍蝦啖啖肉，肉質厚實，鮮味爽口又彈牙蝦頭嘅蝦膏搭配蒜蓉醬更能提鮮↗️📌金銀蛋肉鬆泡時蔬🥦平時食到嘅金銀蛋肉鬆泡時蔬多數都係菠菜或者莧菜呢度竟然可以揀娃娃菜、菜心、西蘭花等等嘅菜今次GG就揀咗西蘭花，配合金銀蛋即係鹹蛋同皮蛋，仲有肉鬆一味簡單嘅家常小菜，又係送飯之選🍚📌紅豆沙🫘估唔到仲有糖水送入口軟腍，口感綿滑起沙，仲有陣陣陳皮味，甜度適中夠曬滋補又養生，完滿嘅一餐😋

最近工作比較忙，難得今日準時收工，約了朋友去吃海鮮火鍋。這間餐廳我幾個月前喝過午茶，感覺還不錯。所以這次去試一試他們的晚市火鍋。海鮮拼盤+刺身+雪花牛肉+鮑魚鴨腳份量是按人頭上的，不能refill。但是質量很高，全吃下去感覺已經飽了70%。可以reill的推介: 蝦滑，墨魚滑。鮮甜彈牙，冇得彈飲品方面也算豐富，有百威啤酒，盧森堡啤酒，百事可樂，雪碧及各式茶飲...下次會去試一試他們的小菜，應該不會失望的。

已經好耐無係香港食晚餐了，是晚在天水圍T Town商場購物，發現一間名為半島漁港酒樓，係灣仔，南昌都有其分店，於是便試了任食火鍋。一坐低店員主動問我要甚麼湯底，我們選擇了鴛鴦湯底，即是皮蛋芫茜拼沙爹湯底。店員已自動遞上海鮮拼盤，刺身，牛頸脊，鮮蝦蛟，鮑魚鵝掌。不得不讚下呢間餐廳服務員，上菜速度快，而且好有禮貌，大部分香港人回內地主要係因為價錢同服務態度。我由牛頸脊食起，酒脊椎樓厚切牛肉放落煲不用30秒可食用，一口咬落感覺到鮮牛肉味，好爽口，肉的肥瘦比例剛好，我覺得全晚淨食呢碟牛肉都值回票價。仲要刺秒要讚一讚，酒樓供應了新鮮三文魚給我們，甜蝦。另外的食物都有水准，鮮蝦蛟便要特別推薦。還有各種蔬菜，丸類飲品自助形式供應，我想講啤酒有冰筒雪，特別凍啲易入口。總結： 以$252價錢埋單黎講，食到呢啲食物質素真係好難得，而且無限時任客人食到打垟，值得推薦俾其他用戶。

話說呢個星期Ethan比較驚番學所以我哋就帶佢出下街Relax一下😌經常T Town呢間中菜—半島漁港🐟上次打過邊爐🍲好好食性價比好高，今次就同埋Ethan一齊入去食中菜​原來呢度星期一至五晚市燒味3選1都係1蚊❗️可以揀至尊燒鵝、極品BB豬或者海南文昌雞～🐷極品BB乳豬因為係平日夜晚去，所以可以用$1食到BB乳豬😚我地3大1小係2-4人份量所以有8件乳豬😜真係唔好睇少呢8件乳豬，厚切大大件，每一口都係脆卜卜，我食咗2件都飽飽lu🍲南乳齋煲呢個齋煲係男人專食，大大份熱辣辣，除左豆腐外，個底仲有滿滿既吸汁粉絲，男人讚口不絕👍🏻🍚瑤柱蛋白炒飯個飯一睇就知為BB而叫😆炒飯非常乾身又唔油👍🏻瑤柱絲滿滿😋唔止面頭個D架，裡面都有好多瑤柱絲，好足料😌🥦西蘭花炒雙蚌大大碟香噴噴，賣相好吸引，雙蚌肉質鮮嫰爽口，而且非常入味🤤🫛淮山木耳炒時蔬又係男人專屬，仲有BB最愛既🫛正呀，呢碟小菜又係大大份，個四季豆炒到好爽，仲有淮山木耳，非常健康🫘飯後甜品紅豆沙紅豆沙熱辣辣大大粒，又係用心之作，口感綿滑起沙，唔係太甜度仲有陳皮味，正😋

#christine開飯日記長輩生日飯離不開都係食中菜，今次就比我搵到依間酒樓做緊超抵優惠，而且食物質素都好唔錯👍今次食嘅酒樓就係位於T Town嘅半島漁港，地方好大亦都好闊落，家庭聚餐就啱晒啦。依架只要係逢星期一至五晚市（除公眾假期），燒味3揀1都係1蚊就食到啦，包括有海南文昌雞、至尊燒鵝皇同極品bb豬。🌟一蚊至尊燒鵝皇我地就叫左燒鵝，2-3人就可以呢1/4隻，大大隻燒鵝髀而且燒到皮脆肉嫩，店家好貼心，會有個小蠟燭熱住，就唔怕食到一半凍晒啦🌟蜜桃冰梅骨（$128）依個冰梅骨酸酸甜甜咁都好開胃架，而且一字骨煮得腍身，食落一啲都唔韌👍🌟燒汁芥末牛柳粒（$168）依個都係必點，炒得十分香口👍食得出好有鑊氣，加埋芥末一齊食辣辣地都幾過癮架🌟海皇粉絲什菜煲（$128）呢個款雜菜煲菜嘅種類都好多，而且有好多海鮮。而且佢個份量都好足啊，我諗三至四人食都冇問題👍👍呢間咁抵食，記得帶埋屋企人快啲去試吓啦

今日有返少少秋意，就捉男神去打火鍋，估唔到這個屋村內的酒樓也讓我有驚喜，地方寛大，淨潔👍🏻 這個餐是半任食火鍋，會先上一次性名貴食物「海鮮拼盤」大蝦，勝子，生蠔，墨魚，帶子，大魚片，每款都新鮮大件😝 「刺身拼盤」三文魚厚厚的😋，甜蝦，北寄貝同埋帶子👍🏻 再來2粒超大大水餃，份量十足，應該有2隻大蝦係裡面🤣😂仲有一份 「阿翁極級牛頸脊」 是最好食的部份呀😍 最估唔到竟然有份 「蠔皇鮑魚扣玉掌」大大隻，蠔皇味滲透入鵝掌同鮑魚👍🏻半自助式是有部份食材需要自取🤗 飲品抵呀，因為有埋啤酒🍻 其他仲有基本的火鍋配料，特別想講是 「竽頭」好粉好正呀🥰

好耐無同屋企人出街食飯喇，早排我地去左屋企附近既半島漁港食晚餐🥢酒樓座位寬闊，唔會同隔離枱貼得好埋，比較明亮開揚～侍應好好呀，將我地安排坐係大魚缸隔離🐟Gavin好鍾意係度睇海鮮～呢度星期一至五晚市燒味3選1都係1蚊❗️可以揀至尊燒鵝、極品BB豬或者海南文昌雞～🥢原個菠蘿咕嚕肉菠蘿好鮮甜多汁🍍咕嚕肉經微烤後口感酥脆，肉質都好嫩～每一件都係沾滿酸甜醬汁，好惹味🤤Gavin食左好多(連洋蔥都唔放過😂) 🥢金粟雞蓉魚肚羹正正常常既魚肚羹，每人可以食到2碗左右，魚肚係粒狀都幾彈牙，小朋友撈埋飯一齊食左好多😆🥢瑤柱蛋白炒飯飯炒得幾靚，夠乾身👍🏻瑤柱絲同埋蛋白既份量唔少，整體味道唔會好咸，Gavin食得好滋味😋🥢極品BB乳豬我地係平日夜晚去，所以可以用$1食到BB乳豬😚佢係按照人數而定，我地係2-4人份量所以有8件乳豬🙂‍↕️原來所有燒味均為每日即場新鮮燒製，唔怪得之口感係脆卜卜喇😱$1叫一碟過下口癮都唔錯！