Video
Read full review
2022-10-22
284 views
老婆想食車仔面，見食評唔錯，試一試佢，點知，中伏！入到去零等待，因為冇乜人，但係好多枱都未執枱，侍應叫我哋自己搵位坐。見人介紹胡椒豬肚湯底，加6蚊就試下啦！白蘿蔔、韮菜餃、陳皮魚蛋加油面。老婆食冬菇、豬紅、雞中翼、豬大腸加油面。一人一罐可樂！加多份燒賣（可樂可能係成餐最正常嘅）嚟到梗係即刻飲啖胡椒豬肚湯先啦！嘩！咸到呢，一啲胡椒味都冇，白蘿蔔正常冇味、韮菜餃冇韮菜味、陳皮魚蛋夠韌！我老婆嗰碗仲經典，冬菇正常、豬紅夠實、雞中翼夠乾身、豬大腸可以咬到出尖沙咀都未咬得爛！你話呢種車仔面邊度搵吖！嗱嗱聲食完走人，聽到只收現金，咁就拎定錢埋單，見收銀入緊單，我就放低錢喺佢旁邊走人，成個過程同侍應零交流！
入到去零等待，因為冇乜人，但係好多枱都未執枱，侍應叫我哋自己搵位坐。
見人介紹胡椒豬肚湯底，加6蚊就試下啦！白蘿蔔、韮菜餃、陳皮魚蛋加油面。老婆食冬菇、豬紅、雞中翼、豬大腸加油面。一人一罐可樂！加多份燒賣（可樂可能係成餐最正常嘅）
嚟到梗係即刻飲啖胡椒豬肚湯先啦！嘩！咸到呢，一啲胡椒味都冇，白蘿蔔正常冇味、韮菜餃冇韮菜味、陳皮魚蛋夠韌！我老婆嗰碗仲經典，冬菇正常、豬紅夠實、雞中翼夠乾身、豬大腸可以咬到出尖沙咀都未咬得爛！你話呢種車仔面邊度搵吖！
嗱嗱聲食完走人，聽到只收現金，咁就拎定錢埋單，見收銀入緊單，我就放低錢喺佢旁邊走人，成個過程同侍應零交流！
Post