小城大廚

Open Now

Now Closed

座位奇差 ：經網上一早book咗位，我哋嚟到餐廳同伙記對左電話號碼，佢隨一手指，派張好近火鍋出餐嘅枱俾我哋，朋友食飯都要小心翼翼，恐防伙記捧餐時撞親。呢張枱位置咁靚，咁book嘅意義係邊？伙記：一早報明三個人食飯。第一個伙記已經拎走多出嚟嘅餐具，正當我哋洗緊餐具，另一個伙記夠膽想收走我哋洗好嘅餐具，幸好另一名資深嘅伙記阻止佢，萬一收走咗，難道朋友要用手食飯？伙記間嘅溝通有待改善。食物：點咗5樣嘢，最後嚟咗3樣。最後要催單先知廚房漏單。籠仔荷葉蒜香魚塊飯HKD188招牌菜可以拆咗自己招牌，飯太鹹，豉油落得多過頭，食完可以準備洗腎，咁重口味用嚟掩蓋魚唔新鮮。