小城大廚

Open Now

Now Closed

📌 小城大廚 - 觀塘成業街19-21號成業工業大廈地下3號舖🗓(8/8) 星期四 ⏰ 晚上6點左右 💈特式：今日去觀塘接朋友收工，佢話好耐無食過中餐，所以我預早睇定左附近一間中餐私房菜館，其實佢都係區內都頗有名氣。🥩🍔🌭🌮🥗🥯🥘🍲🍝🍣🥟🍤🍱食物：呢間餐廳主打鑊氣小炒，仲有砂鍋系列/煲仔小菜/川菜/客家菜/椒鹽&金沙系列等等，而家等我同大家講下🔥味道先。🥒前菜 $2️⃣0️⃣ - 首先入座佢會提供前菜，係涼拌木耳同話梅涼瓜，兩款都水準之上，涼拌木耳酸辣開胃，話梅涼瓜酸甜消暑。🦐🐣孖寶套餐 $1️⃣8️⃣8️⃣ - 孖寶套餐，一個價錢已經有蝦同雞都真係幾抵，蝦就揀左椒鹽海蝦，雞就揀左頭抽霸王雞。海蝦份量都幾多有11~12隻，size都大隻，而且原隻炸到脆卜卜，殼都唔洗剝就咁成隻啪，配埋惹味嘅椒鹽，又香又脆。霸王雞係半隻份量，雞肉嫩滑多汁，頭抽醬油又入味，食落有鮮雞味又有醬油香。👍蒜蓉粉絲蒸元貝 $1️⃣2️⃣8️⃣/4隻 - 呢個係每日特價精選，星期一至日都各有兩款小菜做特價推介，今日就係蒸元貝，雖然話係每日特價，但一點都唔馬虎，元貝大隻肉厚，一啖係食唔晒，所以用最普通嘅蒜蓉粉絲蒸已經非常好食。🥗淮山百合炒藕片

🥢今晚收工同朋友行過成業工業大廈見有餐廳職員攞住個易拉架，指着入面有間食炒小菜嘅餐廳，就入去搵嘢食。🥢見到餐牌原來係食私房菜嘅。餐牌好多菜式，有私房菜、雞煲、鑊氣小炒、川味、客家風味菜式、海鮮類、蒸煮類幾乎樣樣有齊……🥢客家鹹香雞半隻🐤$118:半隻鹹香雞大大碟，雞上面鋪滿鹹酸菜粒，好開胃。而且雞肉厚實飽滿，醃得夠入味。🥢胡椒中蝦豆腐煲🦐$108:個人最鍾意呢個胡椒蝦豆腐煲，好惹味👍🏼胡椒落得恰到好處；中蝦size都大大隻，有成8隻咁多；豆腐大大嚿好嫩滑，兩個人食真係食到好飽。🥢椒絲腐乳生菜🥬$78:今晚冇通菜，叫咗生菜，生菜大大棵，新鮮翠綠，食落好爽口。🥢猴頭菇燉螺頭湯🍵$48:燉湯大大碗，非常足料。入面有螺頭片、瘦肉、雞肉、猴頭菇都唔少。湯飲落一啲味精都冇，好鮮甜。🥢懷舊豬油缽仔飯🍚$15:叫咗咁多餸驚食唔晒，所以只係叫咗一缽缽仔飯。豉油同豬油會另上，用豬油撈飯真係好香，出面餐廳就真係好少機會食到。🥢餐廳仲有是日推介菜式做優惠價；夜晚九點後入座，仲有指定餐牌九折優惠。🥢餐廳6:30左右就已經開始多人，好快就差唔多坐滿全場，睇嚟下次嚟食都要早啲book定位。

🥢酥炸豬大腸！外面炸得金黃酥脆，咬落去既時候那種酥脆的聲音簡直讓人心情大好。裡面的豬大腸保持著豐富的肉汁，口感滑嫩，搭配上特製的甜酸醬，味道更是絕配！每一口都讓我忍不住想再來一口，完全停不下來。鐘意食大腸既朋友不能錯過！🥢脆皮飛天鹹豬手。這道菜的外皮真的炸得非常完美，金黃酥脆，咬下去的時候那種香氣瞬間撲鼻而來。裡面的肉質鮮嫩多汁，鹹香味十足，讓人一口接一口。這樣的美味，簡直就是對味蕾的一種奢侈享受！如果你喜歡豬手，一定要試試這道。🥢魚湯海味浸娃娃菜然後不得不提的是魚湯海味浸娃娃菜。這道菜看起來清爽又健康，娃娃菜吸收了魚湯的鮮甜，口感非常柔軟。每一口都能感受到海鮮的鮮味，還有那種清新的感覺，非常適合想要輕食的人。這道菜不僅好看，亦都唔會太咸，唔錯！🥢青島啤酒！一杯青島啤酒絕對是完美搭配！它的清爽感能有效中和剛才那些油膩的食物，讓整頓餐點更加平衡。喝上一口冰涼的青島啤酒，瞬間感覺整個人都爽快了起來！總結來說，餐廳嘅食物質素都非常高，而且我哋覺得都會有返嚟幫襯嘅機會！距離地鐵站大概5分鐘嘅路程，亦都唔算話太遠 如果去開九龍東嘅話 不妨過嚟試吓 真係唔錯 價錢方面亦都唔算太貴，呢一區嚟講我哋都

臨近年尾工作非常忙， 已經很久未到小城大廚食飯了， 最近聽講小城開咗個宵夜時段，由21點到凌晨兩點呢，而且非常抵食 就係火鍋每位188任飲任食！今晚加班好肚餓。依時凌晨十二點半去到小城大廚打算食火鍋。 點知去到見到還剩兩台食客都打算結數離開了，但係收銀妹妹還是很熱情的招呼安排我們落座開茶遞水。此時全場就剩得我們三個食客，我哋覺得好唔好意思 就叫咗個正價328的火鍋！三個人天南地北一邊傾計一邊不停地叫嘢、食到兩點 飲足食飽。師傅及服務員好有耐心 笑面相迎！此餐廳 唔單止牴食好味。 服務態度更加值得大讚！ 喺度祝佢哋健康開心生意興隆！得閒再見！

聽聞觀塘有一間隱世嘅私房菜，就去食吓😛一上枱會有四款小食俾你揀兩款，我哋揀咗涼拌青瓜同雲耳，酸酸辣辣，好開胃。餐廳嘅其中一個招牌菜係冰鎮咕嚕肉，一上菜嘅時候場面都幾震撼。咕嚕肉酸酸甜甜，亦都夠脆，份量都好足夠。椒鹽豆腐外脆內軟，配上微辣嘅椒鹽，食完一舊接一舊。餐廳有兩款燉湯，一款係人蔘烏雞湯，另一款係猴頭菇燉螺頭湯，兩款都好清潤，料都好足夠。今日特價嘅乳鴿，肉唔係好多，但係調味唔錯。總括嚟講，一間十分抵食嘅中菜。

約左一班朋友食飯，最好就係食大排檔份量多又可以share仲可以試多啲唔同嘅菜式第一次食呢間，見到都幾多人讚，估唔到食物都好有水準蜜椒薯仔牛柳粒好好吃，薯仔有炸過，外脆內軟，呢個有啲驚喜牛肉都好香，不過有少少韌另外霸王雞都好值得試，啲雞肉好香滑送飯一留推介椒鹽鮮魷，超抵食，絕對係鮮魷多過粉，肉質彈牙好新鮮平時好少食菜，今次叫左個啫啫時菜煲，我哋叫左芥蘭，啲菜都好新鮮好甜價錢都唔算好貴，可以再Encore，試下其他菜式

環境好大，但枱都好多好密，尤其我地去食果日係星期日，15/12，好多枱都係提早做節，爆晒場。。。。而且去到9：00都仲有客入座，真係好生意薑蔥霸皇雞雞肉嫩滑，薑蔥唔吝嗇，大堆頭放喺雞面，而豉油經調較唔會過鹹！梅菜扣肉扣肉大約有8片左右，眼睇汁醬好水好稀，腩肉上色都唔夠，但係食落竟然係非常入味，調味恰到好處，腩肉唔會炆到變煲湯肉，仲保持到肉嘅軟彈質地，暫時係我食過最好食嘅梅菜扣肉乾燒伊麵真係好夠乾身，雖然料頭不多，但係調味十足，好食小炒皇份量足，唔會扣底材料種類都足，炸白飯魚、腰果、蝦仁、魷魚鬚同菜脯，好滋味蒸乳山蠔 $128 / 6隻手掌咁大隻，全部都飽滑多汁，加埋山葵同豉油一流涼瓜炆黃立倉睇菜名都睇唔出師傅會落埋腩肉去炆，有兩條手掌size嘅黃立倉，肉可能少啲啲，不過諗到價位就冇投訴，而且味道冇得輸羊腩煲足料竹荀、枝竹、馬蹄、冬菇全部齊！羊腩唔少件。個汁底唔會太膩，有埋唐生菜一籃唯一係佢煮咗好耐先滾。。。廚房出品一流無論味道、食材質素都係。樓面同事都要讚雖然爆場做到死，但係冇一位會黑面、鬧客，相反佢地果種大聲叫同事幫忙真係好有地道大排檔Feel當日仲有位靚女同事主動幫我地果枱影合照

小城大廚地址: 觀塘成業街19-21號成業工業大廈地下3號舖=====================大排檔少炒，呢間唔起眼但食過一次好有鑊氣水準，估唔到觀塘區有呢個出品呢，同朋友食得好開心$88瑤柱肉碎蒸水蛋，滑嫩嫩蒸水蛋，加入了肉碎更鮮香，熱呼呼$58 乳鴿皮好入味，食肉補鐵質！$98 欖角蜜糖一字骨，甜甜鹹鹹開胃惹味，rib 一條條有嚼勁$78 上湯時蔬，唔想太多油，出街袋菜都會首選上湯多過炒。呢度仲有中午都好抵食架，我係唔介意食大排檔環境架女仔，想搵一個咁兄弟架人可以pm識我，haha

小城大廚真係一間唔可以錯過的大排檔！我最近去咗觀塘成業街，特登嚟試下佢哋嘅招牌菜，佢哋嘅炒嘢真係好食又抵食👍🏻👍🏻我點咗幾道菜，首先係佢哋嘅招牌咕嚕肉。呢道菜色香味俱全，咕嚕肉外脆內嫩，搭配甜甜嘅菠蘿，口感真係一流，每一口都令人回味無窮！😍😍跟住試咗「紅燒乳鴿」，乳鴿肉質鮮嫩，醬汁濃郁，味道剛好，唔會太鹹～😋😋然後係「金銀蛋時蔬」，搭配豆苗真係新鮮又爽口！😋😋最後，我仲點咗「魚香茄子煲」，茄子煮得好入味，魚香醬汁嘅味道撲鼻而來，辣味適中，夠香夠開胃，配飯食真係一流！總括來講，小城大廚真係一個值得推薦嘅地方，無論係食物嘅味道、服務，或者環境都讓我好滿意。下次我一定會再返嚟試其他菜式！

首先有兩碟前菜涼拌木耳同青瓜酸酸地好開胃，作為前菜好正菜係鐵觀音，好香好清食小菜濃味野解膩一流魚香茄子煲茄子夠厚肉有小小辣好開胃又好惹味送飯一流必嗌紅燒乳鴿(原隻上)係我今晚最期待嘅一道菜而且仲可以要求唔切原隻上一直都好想試一次﹗一上枱就勁香，已經流晒口水皮烤到好脆，肉夠嫩唔理儀態直接拎上手食蟹粉扒時蔬加錢轉做豆苗無論蟹粉定豆苗份量都好足夠青綠又唔腥好好食蟹粉真係食到蟹肉﹗兩者混埋一齊味道更上一個層次頭抽安格斯炒飯一上枱又係香氣四溢牛肉比得超大方夠鑊氣﹗好香好惹味﹗米飯炒到粒粒分明小菜又好炒飯又好全部都大大碟每次有煲仔野經過嘅時候都覺得勁香咁岩又就嚟做冬，幾乎全場爆滿但同大家一齊慶祝聚會又幾開心

你有你填飛，佢有佢漏單，點選嘅食物一直唔出，就算出都係好遲先出，講緊嘅係點選後兩小時先出，8點鐘點餐。另一經典位係所有點選嘅牛肉竟然係點餐後三小時先出，重要一直追問下先肯攞過來，唔洗煮都要咁耐，到底係佢嘅經營手法或者係點呢？等啲客一直要食那些自取的響鈴、菜、公仔麵、烏冬去飽肚，同行十人有大有細，坐都坐到冇晒食慾。最好嘢係個砂鍋煲，點燒都唔多滾，只像溫水浸食物，唔係落好多野都係咁，下下落完食物要冚蓋先滾得起，才可以食，原因係咩？因為佢地一直翻用舊氣樽，冇火又冇力，從未試過一餐普通打邊爐要換三次樽，重要兩次都係停晒冇火，就知佢地公司點樣對客人，想賺到盡。食材唔新鮮已經唔想講，因為不論海鮮，牛肉或其他，都係唔新鮮或冇味嘅下價食材。都已經算了唔計較，但點了唔來、拖幾小時先來，爐又唔夠熱，所有不利客人嘅手法都用晒，你間公司到底想點？只一直諗點樣只收錢但唔洗提供服務或食材？咁嘅食店請快快去結業唔好害人，不知所謂，收三百幾一位所謂放題，一行十人就咁就俾你騙一鑊。8點入座，等野食等左幾個鐘，搞到尾班車都上唔到。

最近朋友忙住實習， 終於約到朋友嚟食個飯於是去咗觀塘成業工業大廈搵啲小菜食。小食涼拌雲耳醃青瓜🎠三寶套餐見到餐館實在有太多小菜嘅選擇唔知點揀簡直無從入手於是 決定睇套餐其實孖寶套餐都幾吸引， 有兩款肉類小菜但因為又想食肉又想食菜都係揀三寶餐🤡👉🏻豉汁蒸黃立倉魚蒸得幾 嫩滑 ， 都幾大條 ，豆豉汁香濃❤️👉🏻欖角蜜餞小排排骨肉質肥美 蜜餞醬汁香甜👍🏻👍🏻👍🏻👉🏻金銀蛋時蔬（ 菠菜）盆滿缽滿， 金銀蛋同埋蒜粒鋪滿咗表面， 非常足料亦都同菠菜非常之夾 ，食完排骨都覺得冇咁滯👍🏻👍🏻👍🏻湯品 特飲 🎠猴頭菇燉螺頭燉湯猴頭菇同埋螺肉都超大舊 燉湯嘅肉都非常之嫩滑，湯品清甜 ，係冬日必選🎠🎠🎠🎠巨型紅豆冰估唔到真係咁大杯 大杯度可以遮住朋友塊面🎠🎠🎠食完之後原來有紅豆沙糖水附送， 因為朋友已經飲完巨型紅豆冰飲唔落囉，下次再試🎠🎠🎠

店名/Shop Name：小城大廚 (觀塘)地址/ Adresss: 觀塘成業街19-21號成業工業大廈地下3號舖種類/Type：粤菜/火鍋/中菜館推介/Recommend：懷舊菠蘿咕嚕肉， 人參燉竹絲雞人均價錢：200店舖環境:簡單裝飾中菜館，地方寬敞交通:觀塘地鐵站B出口行5分鐘上菜速度:⭐️⭐️⭐️⭐️⭐️服務態度:⭐️⭐️⭐️⭐️⭐️食物口味:⭐️⭐️⭐️⭐️⭐️懷舊菠蘿咕嚕肉個甜酸菠蘿咕嚕肉，調味甜酸平衡啱啱好，真係非常非常脆，個外皮一咬落去，就有啲驚為天人嘅感覺，真的超脆人參燉竹絲雞人蔘燉竹絲雞，一揭開個燉盅蓋，已經見到材料十足，湯味鮮甜人蔘味濃，飲完覺得非常補身金銀蛋時蔬金銀蛋時蔬有水準，主要係份量非常十足香煎粟米墨魚餅香煎粟米墨魚餅，用新鮮墨魚膠打成，魚餅裏面仲有墨魚肉一粒粒，好有口感，煎得兩邊金黃，非常好食

觀塘區又俾我遇到一間黐線餐廳 沙嗲牛肉麵早餐竟然只係$20 仲有其他粉麵 三文治 粥選擇 牆上面仲寫住外賣有九折 真係平過好多區 有種時光倒流感覺.👍🏻沙嗲牛肉比多幾足 而且唔會碎濕濕👍🏻味道係最傳統茶餐廳味道 輕易變啡湯👍🏻凍飲加$3 凍奶茶同檸茶都好好飲今次再叫多一份 炒蛋鹹牛肉三文治埋單都只係$46 超抵.循例提一提 人哋早餐時段先有 0730-1100如果喺我樓下開返間就好啦‼️你哋又覺得點呢？..#小城大廚 (觀塘)地址：觀塘成業街19-21號成業工業大廈地下3號舖.

今次經朋友介紹去咗呢間位於觀塘嘅小城大廚，呢間中菜館好有特色，食物款式超多選擇。呢度嘅桂花蜜汁金錢鱔真係一流，鱔肉炸得金黃香脆，配上桂花蜜汁，甜而不膩，食完齒頰留香；而佢地嘅蜜椒薯仔安格斯牛粒亦係必食，牛肉嫩滑入味，香甜的蜜椒包住每一嚿薯仔，外脆內軟完美結合，真係好惹味；另外個酥炸豬大腸，外酥脆內肥嫩，好香口；而佢地嘅猴頭菇螺頭湯同人參竹絲雞湯都係養生之選，湯底清甜，好足料，特別適合秋冬天氣飲用；最後就係個巨型紅豆冰，冰如其名，真係好巨型，紅豆香甜綿密，佔半杯都係紅豆，配埋啲花奶，超濃郁，飮完一杯真係勁滿足。總括嚟講，呢間嘅菜式好多樣化，味道濃郁，價錢合理，環境舒適，服務態度好，絕對值得一試！