Amitie Kitchen

Open Now

Now Closed

朋友生日去慶生，揀咗尖沙咀呢間amitie kitchen~a la carte好多選擇，發現原來份量好大、好夠食~其中必食一定係加拿大豬鞍扒！未食主菜前，先食香草麵包、抹茶法包同芝士條～ 兩款都好食，但自己就比較喜歡抹茶法包，因為香脆可口😋話梅芥末汁鹹豬手凍沙律⭐️⭐️⭐️⭐️豬手凍大大塊，配住話梅芥末汁嘅新鮮生菜沙律一齊食，好Fresh，好開胃~ 牛肝菌蘆筍意大利飯⭐️⭐️⭐️⭐️⭐️呢個係我食過其中一個最好食嘅意大利飯～ 意大利米煮得剛剛好，無硬心，吸晒所有忌廉汁，加上有好多香氣撲鼻嘅牛肝菌，食到舔舔脷😋加拿大豬鞍扒⭐️⭐️⭐️⭐️⭐️呢度菜必定要食~豬鞍扒超級大塊加厚身，但煮得軟嫰juicy啖啖肉，而兩面烤香，絕對不能錯過~士多啤梨朱古力窩夫配雪糕⭐️⭐️⭐️⭐️⭐️最後當然唔少得甜品~ 餐廳經營好用心，上桌時嘅窩夫又熱又香又脆，同冰凍士多啤梨雪糕一齊食時係冰火交融嘅效果！證明用餐時間有被觀察，控制住整作時間，絕對係有比心機，無事先整定~ 真係好出色~香橙乳酸梳打⭐️⭐️⭐️⭐️⭐️酸甜可口，橙味香甜，同乳酸混和適中😋😋😋熱情果梳打⭐️⭐️⭐️⭐️⭐️唔單止有百香果，仲加咗鮮橙汁底，甜得嚟清香refreshing