Yadllie Plate 야들리애플래이트 (兆萬中心)

嚐一口韓國風！心血來潮想食韓國菜，呢間Yadllie Plate就係你first choice。裝修簡約風，坐落好舒服。值得一讚嘅係冷氣温涼得黎唔凍，岩晒夏天行完街，有種好fresh，可以chill住食嘢休息嘅感覺。-🍗 夏威爾阿努哈 ｜ $188呢個platter包括一雞髀、兩雞中翼、炸蝦5-6條、洋蔥圈數個。炸雞整體黎講有啲普通，皮可能炸完再靜置再翻炸，所以比較硬。肉質都算嫩滑。炸蝦肉質肥厚，炸粉輕薄，好食過炸雞，配上hollandaise，滋味十足。洋蔥圈香脆可口，熱辣辣，食落仲見到晶瑩剔透嘅洋蔥肉🧅-🍕 韓式海鮮煎餅 ｜ $118呢個好出色👍🏻煎餅唔會好重麵粉味，沾上韓色醬汁，同餅嘅蛋味好夾。八爪魚嘅份量適中，好煙韌，compensate返煎餅嘅軟淋淋。-🍹藍莓乳酪沙冰 ｜ $58好飲！藍莓應該唔係用frozen blueberries，因為飲落藍莓味好重🫐濃郁、醇厚得黎比較甜，適合重口味嘅朋友仔。