Video
Read full review
2023-04-17
800 views
11042023中午飲茶，公假後第一個工作日都有堆人等位，等到有位門口冇晒人咁滯。大約12:45pm，入座問佢係咪啲超細張嘅二人枱，佢話俾張(枱號Number)枱你，兩點交枱, 但入去發覺根本我本身都係輪到呢張枱，佢並非特別安排俾張特別嘅枱。大約1:55，突然走嚟要我埋單，話我應承兩點交枱，問我啲嘢食係咪嚟晒？我話加個楊枝甘露（楊枝甘露完全唔使煮，細細碗，甜品吧一倒即刻有，都諗住當水飲完就走）跟住佢話你兩點要交枱喎（一路講一路走開），我答佢話好快一個楊枝甘露咋（因為諗住叫朋友試吓）。點知到咗兩點冇人理我哋，我再問返佢，原來佢話唔准我落單！而家已經兩點！！出面好多人等位咁話！！！頂你，頭先又唔講清楚冇落單！ 真係龍門任佢搬！咁多張枱，淨係我呢張枱要有咁多規矩！！！！平日星期二下晝兩點出面有幾多人等緊位啊！ 淨係特登趕人走！！真係超嬲，諗起都嬲，嬲咗幾日，貼錢買難受！朋友仲係特登由將軍澳出嚟呢度，仲諗住叫佢試吓呢間餐廳啲嘢食，搞到我真係覺得好唔好意思！呢間嘢唔止一次，因為服務態度令到我同屋企人好嬲！無奈地長沙灣區相對企理啲（枱與枱之間闊落啲）嘅酒樓選擇唔多，係冇乜選擇之下嘅一個選擇！唯有希
大約12:45pm，入座問佢係咪啲超細張嘅二人枱，佢話俾張(枱號Number)枱你，兩點交枱, 但入去發覺根本我本身都係輪到呢張枱，佢並非特別安排俾張特別嘅枱。
大約1:55，突然走嚟要我埋單，話我應承兩點交枱，問我啲嘢食係咪嚟晒？
我話加個楊枝甘露（楊枝甘露完全唔使煮，細細碗，甜品吧一倒即刻有，都諗住當水飲完就走）
跟住佢話你兩點要交枱喎（一路講一路走開），我答佢話好快一個楊枝甘露咋（因為諗住叫朋友試吓）。
點知到咗兩點冇人理我哋，我再問返佢，原來佢話唔准我落單！而家已經兩點！！出面好多人等位咁話！！！頂你，頭先又唔講清楚冇落單！ 真係龍門任佢搬！咁多張枱，淨係我呢張枱要有咁多規矩！！！！
平日星期二下晝兩點出面有幾多人等緊位啊！ 淨係特登趕人走！！
真係超嬲，諗起都嬲，嬲咗幾日，貼錢買難受！
朋友仲係特登由將軍澳出嚟呢度，仲諗住叫佢試吓呢間餐廳啲嘢食，搞到我真係覺得好唔好意思！
呢間嘢唔止一次，因為服務態度令到我同屋企人好嬲！無奈地長沙灣區相對企理啲（枱與枱之間闊落啲）嘅酒樓選擇唔多，係冇乜選擇之下嘅一個選擇！
唯有希望附近新樓落成後多啲食肆，多啲選擇！
Post