棠棠居海鮮菜館

Open Now

Now Closed

今早8点半左右排隊攞籌同老人家飲早茶，到8点55分左右派枱，我大概排第八/九位，我同派枱姐姐講有老人家行動不便，希望要近門口D位，旦他說沒有，旦排在我後面D熟客就有，我問可解佢地有，佢話熟客坐開，D熟客可以一個人排隊，到差不多派枱時五個人可以掐隊攞枱，我不是第一次見到，我同派才枱姐姐講，佢話見唔到，咁D新客排隊來為什麼，重要好冇禮貌，對D熟客就好好。新客想試，請小心有不公平對代

食物方面：四個人叫左6樣點心，味道都係中上水平😋假日黎講每人唔洗$100，價錢合理👍🏻煎釀虎皮尖椒⭐️⭐️⭐️⭐️⭐️推介! 上菜時熱辣辣🤩 炸粉薄魚肉厚，青椒唔會太大舊影響口感同味道😍 三樣嘢夾埋好balance👍🏻黑金流沙包⭐️⭐️⭐️⭐️⭐️推介！ 佢既流沙係一粒粒脆脆既口感，並唔係平時出去食入面液態嗰種，非常驚喜🤩 鹹鹹甜甜，真係有種鹹蛋黃起沙既feel😍 食完真係胃口大開🤣叉燒蒸腸粉 ⭐️⭐️⭐️⭐️皮薄餡靚👍🏻 叉燒有少少韌同甜，不過都十分推介🤩水晶蝦餃王 豉汁蒸鳳爪 鳳爪排骨蒸飯 ⭐️⭐️⭐️合格水準👍🏻蝦餃皮非常薄，每隻蝦餃入面都有三隻蝦，味道就無其他咁驚艷，不過都唔錯👍🏻環境方面：冷氣略嫌不足，比較焗。比出面茶樓乾淨少少，坐得舒服d。

員工服務非常快手，冇甩拖，有求必應若在12:30pm 前埋單，仲有早市點心優惠，茶錢每位$10-14，冇用餐限時，相约朋友慢嘆吓點心，傾吓計，又多一個不錯的選擇點心質素整體不錯，料足涵靚，即叫即蒸熱，辣辣上枱，鮮而美味，仲係size加量版，價錢合理，非常抵食咖哩蒸土魷蠔皇叉燒包豉椒蒸鳳爪巧手潮州蒸粉果水晶蝦餃王---水晶蝦餃皇------蟹籽燒賣皇------咖喱蒸土魷------韭黃原隻蝦腸------蝦春卷---

人多 话派票排队。有的人拿红包给阿姐 即可比位 2位都做4位台 问阿姐话点解4人位没叫的 态度很恶劣话 要吃就等 不服气就不要等 个服务态度超级差 不给红包就等。超级离谱 太差了 服务超级差 员工当老板

應該系換左廚師~差差差~蘿蔔膏痴嚦嚦，帶子菜苗餃无味不但祇仲蒸唔熟，鮮蝦腐皮卷系好硬唔脆，價錢貴左，d野少左，菜單唔吸引，又難食，食左四五年，以後唔會再去，真系好失望，

同同事中午嚟食飯，一行八人，叫咗好多點心。水晶蝦餃王、蟹籽鮮肉燒賣、南翔小籠包、蠔皇蝦籽扣柚皮、高湯灼菜遠、椒鹽魷魚鬚；柚皮唔係好多地方都食到，都做得唔錯。粉麵就嗌咗瑤柱福建炒飯、鹹魚雞粒炒飯；炒飯嘅份量都幾多，夠三至四人share食另外都叫咗甜品—椰汁桂花糕、金絲雞蛋散同紅豆杏仁豆腐；甜品類都有驚喜，每樣都做得唔錯，蛋散炸得好香脆、椰汁桂花糕甜到啱啱好、杏仁豆腐好清甜。而且餐廳環境都幾乾淨，上菜速度都夠快，中午嚟食到OK！

昨天去了吃飯， 職員態度服務非常差點完菜到黎時間超級耐， 職員愛理不理時而不見對每個客人都黑面 想叫加水又冇人加各個個扮睇你唔到。收銀態度惡劣。 食物質素有差 真係請都唔會再去

對這間餐廳的態度及食物質素十分不滿，要寫200字的食評才能評分，雖然非常浪費時間，但我也決定要對這間餐廳表達強烈的不滿。首先，態度惡劣 十問九唔應，侍應扮睇你唔到，落單後一小時多未上菜，同佢講完又黑面，買單收銀又黑面。同佢講，我等咗個幾鐘啲菜都未嚟啊。佢又刻着面臨走仲要啤住我究竟呢啲係乜嘢態度?菜黎到是凍的,點了個豆腐魚腩煲味道豆腐又差又凍喂啲魚又硬，我懷疑係廚房擺咗好耐先有人拎出嚟喂中。上一次食都冇咁差質素每況愈下

職員態度惡劣，食物一般，價錢中上，用膳時間有限制。叫了食物後要等很久，要問職員才加水及check單 。若用膳時間到，職員立刻收去你枱面的所有東西，包括你在飲茶的水杯，令顧客十分不滿，但要照付加一服務費！

今天的11:00拿了號等了45分鐘，夥計態度非常惡劣，鬧人唔洗本。地方窄小冷氣唔夠，等位擠在門口處愛理不理的，第一次來遇到這種惡劣情況立馬走人，夥計個個倒老闆米，等執粒，以後連門都不會入。

早前聽街坊推介棠棠居的點心，今次特意造坊。星期六下午一點來到取票，細檯（1-2人）要等五張，等了半小時才入座。因為製作需時20分鐘，建議入座前想好吃什麼，節省時間。這裏裝修雅致，所以價錢在深水埗區來說都是偏高價位。星期六日及公眾假期不設下午茶時段（只是茗茶減$2/位），點心價格比平日貴$4。不想等的朋友可以外賣自取，正價食品有88折，亦免收加一。香茜叉燒腸粉（$37）加入芫茜令腸粉多了種爽脆的口感，叉燒是切碎的，份量不算多。整體味道可以，但說不上印象深刻。水晶蝦餃王（2件）（$21）如果人少少，蝦餃/燒賣可以選擇2件裝（只限堂食），價錢為4件的一半，唔賺多你😛。蝦餃粒粒飽滿，每隻蝦都彈牙鮮味，算是有驚喜。😋蟹籽鮮肉燒賣（2件）（$21）吃過蝦餃，對燒賣嘅期望自然提高。燒賣有三隻蝦，但蝦肉明顯不及蝦餃的彈牙及鮮味，有點失望。屬於不會翻叮系列。陳皮鮮牛肉球（$37）這個價錢比很多酒樓還要高，可能是因為多了珍貴的「陳皮」吧。上枱時賣相是挺吸引的，三粒大大粒，吃起來肉質彈牙，不多覺有陳皮味，個人喜歡芫荽，多些會更好。性價比較低。時菜鯪魚球（ $37 ）除了鯪魚，還吃得出加了豬肉、芫荽、蝦米等，

環境一流，冷氣足夠，服務優良，碟頭大份免第一枝開瓶費，第二枝開始$80當我請店員提供冰桶，佢就即時問要唔要酒杯，服務唔錯要讚餐具茶壺全部都有自己特色同名字鹵水牛展肉質鞋少少，不過筋位滑，整體入味醬皇豬手原來係燻蹄，同樣滷得入味，比牛展吸引炸多春魚有6條，大條唔腥，炸漿夠薄又脆，餸酒一流特價：豉椒炒蜆 $ 482-5人一份，6人起兩份非圖片只供參考，真係足一斤豉汁味夠，不過師傅打芡重手，有啲似啫喱黏住咗蝦球大隻爽口，有約8隻，加埋西芹、木耳同腰果，又係餸酒小菜蒜茸炒菜心苗呢個真係要鬧，一：菜心苗變老菜心，二：菜心唔切段炒，三：蒜蓉變蒜粒唯一好在夠鑊氣，份量十足，調味適中

每次打風最好的節目🌪️🌪️就是同屋企人去飲茶🫖今次來到一間深水埗比較有特色的地方，點心都不錯，經濟實惠💁🏻‍♀️最重要有我愛吃的馬蹄糕😍😍而且有一個特別之處，蝦餃🥟燒賣可以嗌兩粒的，解決我兩樣都想食的胃😆😆不過位置不算多，想要吃的客人，都要早點來取票喔🙆🏼‍♀️🙆🏼‍♀️

寫評價前，想首先分享一下，棠棠居是小店經營的概念，座位不多，因此不建議大時大節來等位飲茶，筆者上年母親節等左一粒鐘都未望倒家鄉😂😂今日五位，等了大約半小時，要夠半數才可以入座啊！門口呀姐好firm 好嚴格呀（讚啦，好少見樓面呀姐咁firm ）🤭🤭五個人食，仲點左灌湯餃，埋單不用五百元。整體來說都叫大件夾抵食，唔難食，我比較喜歡佢個韮黃蝦腸，香甜可口，其他菜式還可以吧，住附近街坊都值得去試吓！😁😁

朋友飛來香港睇演唱會想食下港式點心，又唔想食網紅店，屋企人食開話呢間ok，所以帶佢來試下。一試不得了，佢打算連食兩日，聽日飛之前又想食多次。蝦餃皮薄見到蝦㗎，個金粟餅真.燙手 粉紅淮山又幾得意 椰撻細細舊好好味！！！朋友見到墻上邊掛住個黑金流沙包 買埋外賣走，啊原來外賣仲有得88折！！點心真心好味下次屋企人飲茶要跟埋來先得試埋其他嘢隔離檯食緊個鹹水角好似都好正下次朋友來香港知道帶佢地去邊度食港式點心啦～🤣🤣🤣