Video
Read full review
2010-08-20
46 views
剛才中午放飯,專登走西鐵站那邊,搵一間我想試好耐的"京津包店".點知餐廳已易手,轉了回味館,真是成日經過都無留意呢!!由於時間關係,附近的食店又無什麼興趣,就入內看看是否只是店名轉但賣的東東未轉?(勁想食到食評寫的炸醬麵,餃子等)一開門有個厲眼阿姐兇兇地問我幾位?我答一位就叫我搭檯,縱使有張吉檯放響樹.好啦~睇下餐牌,有三張共五版,除了一版是早餐加下午茶餐外,其餘都是炒粉麵,碟頭飯和小菜.無樣合胃口就點是日午餐,A是鮮茄蛋豬扒飯,價錢寫得超細隻字,勉強看到是$28!黑板上寫午餐送無味精靚湯(上一行), 熱飲(下一行).意思是兩者皆有還是二選一呢?我都R頭.本來求其飲碗湯,食完去COMEBUY買飲品.由另一位阿姐落單,她問我"飲咩野?",我問’包埋野飲咩?”,她說’凍飲咪加2蚊囉’(這位阿姐好不耐煩咁)...呢一刻就諗,客人無主動點飲品,正路唔係預客人飲例湯嗎?問得我飲乜難道兩樣都送嗎?跟她意思點杯熱菜蜜,最後飯都食完湯到無黎,蠢左!原來是二選一.激死!我想餐後飲珍珠奶茶架.碟頭飯的飯量尚算多,不過飯粒勁乾硬,原來鮮茄蛋只是煎蛋加有蕃茄肉的蕃茄汁,我仲以為是有蛋絲的茄汁呢!煎蛋係不錯,蛋
一開門有個厲眼阿姐兇兇地問我幾位?我答一位就叫我搭檯,縱使有張吉檯放響樹.好啦~睇下餐牌,有三張共五版,除了一版是早餐加下午茶餐外,其餘都是炒粉麵,碟頭飯和小菜.無樣合胃口就點是日午餐,A是鮮茄蛋豬扒飯,價錢寫得超細隻字,勉強看到是$28!
黑板上寫午餐送無味精靚湯(上一行), 熱飲(下一行).意思是兩者皆有還是二選一呢?我都R頭.本來求其飲碗湯,食完去COMEBUY買飲品.由另一位阿姐落單,她問我"飲咩野?",我問’包埋野飲咩?”,她說’凍飲咪加2蚊囉’(這位阿姐好不耐煩咁)...呢一刻就諗,客人無主動點飲品,正路唔係預客人飲例湯嗎?問得我飲乜難道兩樣都送嗎?跟她意思點杯熱菜蜜,最後飯都食完湯到無黎,蠢左!原來是二選一.激死!我想餐後飲珍珠奶茶架.
碟頭飯的飯量尚算多,不過飯粒勁乾硬,原來鮮茄蛋只是煎蛋加有蕃茄肉的蕃茄汁,我仲以為是有蛋絲的茄汁呢!煎蛋係不錯,蛋白非常嫩滑,蛋黃半生熟,好完美.個汁都幾好味,至少不是一味死甜,帶有蕃茄的酸.但塊豬扒差到無朋友,勁硬無味兼乾淨淨,不過一拎起成塊扒,底層的油多到嚇襯人,還在滴油添.因為我不食汁撈飯,食哂豬扒和飯最後頂到個胃死死下.
菜蜜有陣苦澀味,奉上的茶勁凍.食到中途見到兇兇阿姐畀熟客一碗超正點的鯊魚湯勝瓜湯飯,她還說午餐牌無寫上去,看到小姐食那碗熱騰騰白色魚湯有超多勝瓜大大碗湯飯,真是引到我口水流…本來想問兇兇阿姐那碗叫什麼名堂,但想起自己都不會再來,還是不問了…(講真阿姐個樣真係好惡,不敢多言…)
雖然這小店有很多附近打工仔來幫襯,對我來說…是一間令我不會回味的茶餐廳.
Post
