Video
Read full review
2013-09-24
422 views
對上一次幫襯，係本月3日，適逄我兩公婆14週年紀念，所以老遠去大角咀- 呢個我地第一個同居既地區食飯慶祝。其實當日既食後感都係一般，只係聞倒隔離既意粉好香，而呢度又有自選既車仔意粉，覺得好得意咁，所以打算俾多次機會佢嚟試一次。就係今日... 今日放早唔知食乜好既時候，我地就決定再嚟呢度開餐了！結果係點... 咪就係冇下次囉！先講上次，店員介紹什麼期間限定牛肋骨，好像8安士定10安士，我見唔算貴，$238左右，所以咪試下囉！跟住點左個食評大部份都有提到既蜜汁鹹豬手，繼而點我至鐘意既香蕉甜品(好似係香蕉撻)。由於見食評個個都讚咁滯，我超期待。牛肋骨先來，一件小長方形，望落去都幾得意，因為好少見係咁present，我order五成熟，一切開，確實好夠生... 嫩紅色... 亦因為佢帶生，所以相對難切，食落去一般，牛味唔算濃。跟住到蜜汁豬手，我可能一心諗住佢係德國鹹豬手咁，皮脆香口，但佢係腍既，似俾你食佢既骨膠原咁... 冇咁鐘意。食完主菜，甜品雪糕拼香蕉撻上枱了，入座時同店員講我地週年紀念，佢話原來喺甜品寫字需要早一日通知，所以最後佢安排喺我地個甜品度點蠟燭，幾有心思。不過甜品味道又係一般，
先講上次，店員介紹什麼期間限定牛肋骨，好像8安士定10安士，我見唔算貴，$238左右，所以咪試下囉！跟住點左個食評大部份都有提到既蜜汁鹹豬手，繼而點我至鐘意既香蕉甜品(好似係香蕉撻)。由於見食評個個都讚咁滯，我超期待。
牛肋骨先來，一件小長方形，望落去都幾得意，因為好少見係咁present，我order五成熟，一切開，確實好夠生... 嫩紅色... 亦因為佢帶生，所以相對難切，食落去一般，牛味唔算濃。跟住到蜜汁豬手，我可能一心諗住佢係德國鹹豬手咁，皮脆香口，但佢係腍既，似俾你食佢既骨膠原咁... 冇咁鐘意。食完主菜，甜品雪糕拼香蕉撻上枱了，入座時同店員講我地週年紀念，佢話原來喺甜品寫字需要早一日通知，所以最後佢安排喺我地個甜品度點蠟燭，幾有心思。不過甜品味道又係一般，個撻其實好像 Apple Crumble咁太鬆...散散地咁...
今晚點菜時，雖然店員又嚟廚師推介什麼澳洲西冷，又係$238，根據上述經驗，我地認為佢啲扒一般，所以堅持點車仔意粉，同埋點一份 Set Dinner。車仔意粉顧名思義，好似車仔麵咁由揀麵底﹑湯(呢度係汁)﹑配料都係由自己配搭。意粉+汁+1配料 為$58，另外再加則逐樣計錢。意粉底包括扁意粉﹑長通粉﹑意粉﹑墨汁麵等。汁有蕃茄﹑橄欖油﹑香草忌廉汁﹑卡邦尼汁﹑龍蝦汁(要加$10)等。免費配料係芝士(Mozzarella/ Parmesan)同埋唔記得左... 跟住就係要加錢既配料，大路如火腿﹑煙肉等加$7，較特別既如辣肉腸﹑巴馬火腿﹑香草豬肉腸等就加$14。我地最後點左卡邦尼汁芝士煙肉巴馬火腿香草豬肉腸扁意粉。
Set Dinner就點了有齊牛扒﹑豬扒﹑羊架同司華力腸既雜扒餐。其實我唔預佢係靚野，但我見有羊架，真係好少有，$138咋，有湯有餐飲，好似好抵，所以就點這個了。湯係周打蜆湯，跟一片好薄既蒜蓉包，老公話個湯好淡，冇味，蒜容包係好味既，但真係太薄，食風咁！飲完湯店員就上主菜。兩者賣相都唔錯既，只係味道真係一般。豬牛羊雲集既高級茶記雜扒，除左羊架有佢應有既口感(羊燥味及帶咬勁既肉質)外，牛同豬都係用鬆肉粉喪醃，腍吱吱又冇肉味。配菜又係冇味，真係得個樣。意粉真係煮得好靚，但食落去扁意粉過腍﹑汁太稀，冇芝士味，好彩點既配料夠重口味，否則成碟粉真係淡茂茂！
食主菜之前，老公見隔離枱個梳乎厘焗得好靚，於是跟風點了一客，可惜上桌時我們的梳乎厘發得唔靚，有點撻皮既向側下垂，猶幸味道尚可，好香橙味！不過超勁蛋白味既不是我杯茶。
店員其實有禮，不過一見你食完一味就幫你收起啲碟，好似好趕咁，其實又冇人等...唔知點解咁心急...不過點都好，我諗我唔會再等登嚟幫襯佢啦！再好味啲既大有店在！
Post
