Video
Read full review
2012-06-13
11 views
十二點鬆啲去到, 冇咩人, 坐了去裏面近窗的位置, 景觀好開揚, 加上陽光普照, 真係好開心.午餐選擇唔算少, 但冇乜邊樣太合口味, 於是點了份 Guacamole ($88) 食住先牛油果係新鮮做出嚟的, 青青綠綠, 賣相好靚, 味道不過不失.但碟 chips 就好鬼油喎.唔係又係自己做嘅啩, 係就不如去百佳買包現成算啦.睇完一輪, 老公點了份唔知咩嘢雞 ($80)頭盤揀咗凱撒沙律, 生菜好爽脆, 夠凍, 醬汁亦唔錯.主菜呢碟唔知咩雞就麻麻囉,碟底舖咗啲咋薯粒, 好油, 兩塊雞肉煮老咗, 好鞋,雞肉上面幾塊矮瓜唔知係炸過定焗過, 又係好油,個汁係甜嘅, 所有食材配合得非常怪異. 我點了一份 Mad Dog ($64)頭盤是蘑菇湯, 食得出新鮮蘑菇粒, 都算有誠意,我唔係介意個湯稀, 是實上落少啲cream冇咁肥,但下次個杯最好抺下至上枱啦.輪到我份熱狗, 其實一向麻麻, 但因為唔太肚餓,諗住食細份啲, 點知份熱狗都好巨型,條腸係炸過的(餐牌有寫), 感覺都幾怪, 叧外裏頭又有煙肉又有芝士......隔離杯酸椰菜真係從罐頭倒出來的, 酸到咳,最唔滿意係伴碟啲炸蕃薯條, 好鬼油. 兩人餐
景觀好開揚, 加上陽光普照, 真係好開心.
午餐選擇唔算少, 但冇乜邊樣太合口味,
於是點了份 Guacamole ($88) 食住先
牛油果係新鮮做出嚟的, 青青綠綠, 賣相好靚, 味道不過不失.但碟 chips 就好鬼油喎.
唔係又係自己做嘅啩, 係就不如去百佳買包現成算啦.
睇完一輪, 老公點了份唔知咩嘢雞 ($80)
頭盤揀咗凱撒沙律, 生菜好爽脆, 夠凍, 醬汁亦唔錯.
主菜呢碟唔知咩雞就麻麻囉,碟底舖咗啲咋薯粒, 好油,
兩塊雞肉煮老咗, 好鞋,
雞肉上面幾塊矮瓜唔知係炸過定焗過, 又係好油,
個汁係甜嘅, 所有食材配合得非常怪異.
我點了一份 Mad Dog ($64)
頭盤是蘑菇湯, 食得出新鮮蘑菇粒, 都算有誠意,我唔係介意個湯稀, 是實上落少啲cream冇咁肥,
但下次個杯最好抺下至上枱啦.
輪到我份熱狗, 其實一向麻麻, 但因為唔太肚餓,諗住食細份啲, 點知份熱狗都好巨型,
條腸係炸過的(餐牌有寫), 感覺都幾怪,
叧外裏頭又有煙肉又有芝士......
隔離杯酸椰菜真係從罐頭倒出來的, 酸到咳,
最唔滿意係伴碟啲炸蕃薯條, 好鬼油.
兩人餐飯都係點咗咖啡
又係超失望呀, 淡而無味, 又唔香的.雖然兩個人都係飲齋啡唔加奶,
但老公睇睇下跟啡的粒裝 cream,
發現唔係平時見開的花奶, 亦唔係half & half,
竟然係液體咖啡伴侶 ?????????????
Other Info. :
記憶中, Applegreen 啲嘢應該係好健康,
例如主餐牌上的沙律,
但午餐點解咁油㗎?
值得一提的是,
雖然食物麻麻,
但呢度待應姐姐啲服務真係非常好.
(The above review is the personal opinion of a user which does not represent OpenRice's point of view.)
Post
