Video
Read full review
2009-07-04
2 views
應承左怪獸請佢食飯，於是約左佢係星期四係中環食，地點由我揀。一向偏愛食飯多於食湯麵，因為食飯易撈汁更飽肚，而食湯麵經常食到滿頭大汗，通常去食麵都係為左食餸（如牛腩、雲吞）而唔係為左食個麵。但係拉麵呢，又係另一回事。一直以來對拉麵有特別的好感，可能一向喜歡大和出品，而且時常覺得日本人係傳統的拉麵館食野好有風味，聽說有正宗的日本拉麵當然不會放過。星期四的晚上店內半滿都冇，唔駛等，多好。好快就決定到食啲咩，怪獸要一個炸雞拉麵，我要餃子。湯底係自己揀的，有味噌、豬骨同埋塩（即鹽），怪獸要了豬骨而我就加左$10要牛油塩。食物都好快準備好，大大碗的拉麵大概五分鐘就來到。第一樣留意的當然係個塊值$10，樣子超級吸引既牛油。第一次食北海道的拉麵（不計即食麵的話），當然要先飲飲湯底，但係冇埋特別。混合左溶左的牛油落個湯到，再試一試，牛油的確帶來了一點香味，但總係覺得唔係同個湯好夾，好似湯還湯牛油還牛油，好失望。拉麵係做得不錯的，幾彈牙，但之前都講左麵唔係我的最愛，其實一直期待的係個湯底...點知...。湯入面仲有芽菜、昆布、粟米等一般配料，驚喜的係仲有兩塊叉燒呢（所以除非你真係好鐘意日本叉燒，如果唔係唔
星期四的晚上店內半滿都冇，唔駛等，多好。好快就決定到食啲咩，怪獸要一個炸雞拉麵，我要餃子。湯底係自己揀的，有味噌、豬骨同埋塩（即鹽），怪獸要了豬骨而我就加左$10要牛油塩。食物都好快準備好，大大碗的拉麵大概五分鐘就來到。
第一樣留意的當然係個塊值$10，樣子超級吸引既牛油。第一次食北海道的拉麵（不計即食麵的話），當然要先飲飲湯底，但係冇埋特別。混合左溶左的牛油落個湯到，再試一試，牛油的確帶來了一點香味，但總係覺得唔係同個湯好夾，好似湯還湯牛油還牛油，好失望。拉麵係做得不錯的，幾彈牙，但之前都講左麵唔係我的最愛，其實一直期待的係個湯底...點知...。湯入面仲有芽菜、昆布、粟米等一般配料，驚喜的係仲有兩塊叉燒呢（所以除非你真係好鐘意日本叉燒，如果唔係唔好叫叉燒拉麵呀）。叉燒肥瘦適中又夠林，正如Babedolphin所說正宗日式叉燒係冇咩味的，依度的只係吸收左湯底的少少咸味，都不錯的。
餃子來的的時候只係暖暖地，應該都擺左一段時間...。我不覺得太油，但個餡好普通呢，肉冇咩鮮味。反而個皮不錯的，薄薄的但不失有點兒咬口，但煎得不香脆，可能係整定的關係。
一碗大大的拉麵，食得幾飽的，盛惠一百個大洋，值不值得，真的好見仁見智呢。
Post
