幸福班戟

Open Now

Now Closed

等。。等等。。。等等等星期六下午兩點幾去到，結果須要等兩個半鐘，企都企到累了。店舖是沒有㩒飛等位的服務，所以一定要親身去排隊，不能離開現場，非常唔符合情況，結果入到店內最幸福的是終於有位坐囉。所以如果決定要食，記得要預留多啲時間去排隊，或者有一個人去排定隊先。食物方面，覺得都唔錯，名符其實的即叫即做，所以每樣食物最少要等20分鐘，多人的話更有機會要等40 分鐘。Pancake 一碟三件，都幾大份，試咗原味（幸福），雜莓芝士，熱巧克力同奶茶口味。熱巧克力 pancake 的巧克力醬是偏苦的口味。至於奶茶味醬，味道特別，而且較甜。三件厚 Pancake , 一開始食是非常幸福，但之後就愈食愈膩。所以話，幸福只是一剎那的(￣∇￣)如果可以的話，就同人 share 食啦。服務方便，其實店內沒有什麼服務，水的話都是自助的。環境算不錯，一般的日本 cafe style,坐得算舒服。總括而言，扺唔扺食真係見仁見智。不過我覺得試一事就夠了，不會再去第二次。