Kim's Spoon (南豐中心) (Closed)

今晚在荃灣出沒，在南豐中心閒逛一陣，食晚餐睇睇OpenRice 有咩好推介。附近餐廳嚟計，呢度有80個讚，所以就揀咗呢度。20:45就座，見炸物拼盤賣相幾吸引，點了之後，還有點了牛肉粉絲湯，以及韓風芝士飯（雞肉）。呢間餐廳嘅特色之處係枱面上有一大盅泡菜，可以任食，仲幾好味添！然後到韓風芝士飯登場，賣相唔錯。食落味道幾好，芝士做到拉絲效果，讚。雞肉份量唔少，送飯一流。到炸物拼盤。看起來很大盤呢，畢竟價錢$98。點知，食落去就唔太對路⋯薯條只有表面薄薄地脆少少，可能係我唔識欣賞韓式薯條吧。但係，其餘的炸蝦、餃子同埋紫菜卷都同「好食」呢兩個字無緣，有點失望。然後，時間大約2130，職員開始想趕客走。泡菜，收！水壼，收！其實係咪真係要咁早就趕客先？唔緊要，我食埋個牛肉粉絲湯就走。當我食嘅時候，除咗喊之外，我無嘢補充。真係好後悔俾佢收咗我壼水⋯仲有，個粉絲好碎，唔好食。衰啲講句，吉野家打邊爐啲韓式粉絲都好食過佢。最唔愉快係，喺我仲食緊個粉絲湯時，個職員走埋嚟，無乜禮貌咁問我係咪唔要（個鍋）。我一直都無停過咁食，食埋都走啦。都唔係差幾分鐘姐，又未到十點，使唔使咁呀？呢間嘢（包括其他分店），無下次！