泰越概念 (Closed)

.🔻泰越概念 V.Thai.再黎泰國菜！！我地三個都有個共通點就係大家都好鐘意泰國，有年仲大家生日都係食泰菜😂😂.🔻泰越湯河粉 ($128)碗粉有生牛肉，墨丸，牛丸，扎肉，牛腩片，每款1-2件，河粉唔多，好多芽菜墊底，個湯底唔算好濃，清清地咁，食完唔口渴，所以食完d 粉都飲阻幾啖湯☺本身諗住呢個價錢應該會好大碗，呢個份量仲少過譚仔既套餐，2個人係絕對唔夠既。.🔻自選沙嗲串燒 ($118)有豬，雞，牛揀，眼大肚窄既我揀阻每樣2串，沙嗲醬甜甜地，比較杰身，我覺得香味差dd唔夠重味，但係串燒搭救，3款串燒都juicy, 燒得幾香，唔錯(但東大街印尼沙嗲屋都係我至愛😂) .🔻泰海南雞半隻 ($128)份量唔算少，食落去好似鹽焗雞咁，本身隻雞已經係咸咸地，雞肉唔算嫩，但都唔係鞋既，雞皮好滑好順口好香雞油味☺☺佢跟2個汁，一個係姜油，一個係泰式辣汁，我覺得唔點汁都已經好夠味。.🔻總結係環境唔錯，d位好闊落，坐得幾舒服，食物質素都唔差既，服務比較被動，不完美，可接受。