盛寅慢煮製麵 (Closed)

睇落咁養生嘅一間日式食品小店見到個人套餐嘅組合好吸引，有前菜主菜同飲品，價錢都合理叫嘅時候就知又有得揀魚同雞湯，又有得揀唔同麵質（波菜麵，烏龍麵，蕎麥麵，蒟蒻麵），咁多款式全部都好有特色！叫咗霸王雞菠菜湯麵，配野菌菜，蜜桃紅茶啲雞好新鮮，食得出雞嘅質地好彈同好實，相信係慢煮烹調過，連雞皮都唔覺得肥膩，感覺到佢用心烹調咁豐富嘅套餐再叫多份胡麻雞半蒟蒻麵，配炸物套餐，無骨雞翼，雞皮餃子，蜂巢豆卜每款小食都整得唔求其，尤其係雞皮餃子，食落脆口，雖然用雞皮炸，但係唔會覺得好多油，而且炸得香口，出面真係少見！蜂巢豆卜入面都釀左魚肉。感受得到佢樣樣做到足，食材新鮮，好花心思。少有地冇味精嘅食店，菜式都比較清，帶點自家製嘅味道，尤其雞湯，係用心慢慢熬出嚟。另外加配左溏心蛋，好多地方都有嘅溏心蛋，而呢度係整得最好食之一，好入味，而且睇蛋黃煮嘅時間剛好，賣相睇落已經好吸引，值得叫嘅小食，讚👍🏻