Amitie Kitchen (Moved) New Location

在社交平台見到朋友的食物圖片那麼吸引，知道原來餐廳位於尖沙咀，叫做Amitie Kitchen，今晚終於有機會試吓了。餐廳位於商業大廈的八樓，位置地點容易搵，非常方便。餐廳裝修以木為主，位置舒適，我們就被安排坐二人枱位置。見到餐廳牆上面的餐牌款式多，而且價錢唔貴，仲有滋味推介，一目了然。另外也有精選晚市套餐、精選二人套餐、六道風味和散叫食物餐牌等，多款選擇。突然很想飲湯！就叫了一份周打蜆湯$88，遠處已經聞到好香嘅忌廉湯味道，驟眼睇湯好有份量好大碗，真係足夠同朋友share嚟飲。飲落去周打蜆湯非常Creamy入味，面頭還有一些脆餅乾🍪，好滋味。不得不叫我在社交平台看到的陳年意甜醋慢燴澳洲牛面肉，還可以揀選一人份量，同樣地都是足夠兩人食。賣相很吸引，當中還有一些配菜蘿蔔及薯蓉等，非常豐富。牛面肉質感好林，食落去牛肉味道濃郁入味，還有一些醋汁酸酸地，好開胃！我們兩人食咗咁多野，而且好飽，埋單都只係$600有找，每人消費$300就可以享受咁豐盛嘅西餐，真是值回票價。