蘇山雞飯

Open Now

Now Closed

店舖好近地鐵站，一出行幾分鐘就到。兩個人大約三百幾蚊，叫左一個椰子雞煲，雞煲則送上會係煲蓋加茅台，再用火槍燒，等漏斗幾分鐘，就食得。一定要飲左個湯先，酒味都幾濃，意外地同椰子雞湯好夾！湯用椰子水煲，同普通水加椰子好唔同！雞肉勁多，想講係兩個人份量咁，再加個油飯，油飯係馬來餐廳必叫，油飯粒粒分明，好食！當日我好肚餓去，食得晒，食得超滿足！再叫左個滷味小食，有雞腳、豬手，充滿蛋白質嘅嘢，滷得好入味。野飲叫左菠蘿沙冰，一上到黎，哇一聲，原個菠蘿上，沙冰好滿，咁熱天真係好正！另外朋友叫左開心果奶昔，開頭飲一啖會覺得還好，但係飲落越飲開心果味越出，鍾意開心果既人會好鍾意。值得一讚係我好鍾意佢哋呢一個匙羹，可以格晒啲渣淨係飲湯。當日夜晚7點去，入邊已經好多人，但係都仲有位。