Video
Read full review
2022-10-24
105 views
唔知大家有無食過懷石料理，講真我就未食過，所以決定同老婆去試一次，經朋友介紹，去左中環一間叫做「夢」嘅餐廳，去試我第一次嘅懷石料理。環境方面：地方雖然唔算大，只有3,4張枱，加個bar side, 但個環境設計得幾有空間感，高格調，非常清潔，連餐廳外嘅洗手間，都有格調同乾淨，未食已經有個好好印象。服務方面：有兩個服務員，非常有禮，行入餐廳前，已經提我哋門口有洗手間﹔入餐廳有一級樓梯亦即時提醒，我個背囊帶突出咗張櫈，佢都留意到，幫我整理返，真係超贊。另外，每上一道菜，都會仔細講解食材、食物次序等等，令我更加了解懷石料理。食物方面：我哋交由餐廳安排，以「秋」為主題1.酥皮栗子嘅「菓子」，栗子係秋田嘅產物，味道濃郁，但唔會太甜，酥皮好薄，不油膩，突顯廚師功力👍2. 八寸，用一個由店主自畫嘅富士山嘅盤盛載，令你感受到點點秋意。盤上面有4款小食，包括烏賊餅、南瓜百合、五色米通、白飯魚果凍。絕大多數嘅食材都係來自日本，跟住店員教嘅食物次序，享受到逐步變化嘅味覺享受。👍3. 牡丹蝦他他，墨魚汁配西米，當中有金萡，牡丹蝦肉蝦膏等等，非常高檔次，食落口感好似米通，但充斥住蝦膏嘅香味，脆口但不油膩😍4.
環境方面：
地方雖然唔算大，只有3,4張枱，加個bar side, 但個環境設計得幾有空間感，高格調
，非常清潔，連餐廳外嘅洗手間，都有格調同乾淨，未食已經有個好好印象。
服務方面：
有兩個服務員，非常有禮，行入餐廳前，已經提我哋門口有洗手間﹔入餐廳有一級樓梯亦即時提醒，我個背囊帶突出咗張櫈，佢都留意到，幫我整理返，真係超贊。另外，每上一道菜，都會仔細講解食材、食物次序等等，令我更加了解懷石料理。
食物方面：
我哋交由餐廳安排，以「秋」為主題
1.酥皮栗子嘅「菓子」，栗子係秋田嘅產物，味道濃郁，但唔會太甜，酥皮好薄，不油膩，突顯廚師功力👍
2. 八寸，用一個由店主自畫嘅富士山嘅盤盛載，令你感受到點點秋意。盤上面有4款小食，包括烏賊餅、南瓜百合、五色米通、白飯魚果凍。絕大多數嘅食材都係來自日本，跟住店員教嘅食物次序，享受到逐步變化嘅味覺享受。👍
3. 牡丹蝦他他，墨魚汁配西米，當中有金萡，牡丹蝦肉蝦膏等等，非常高檔次，食落口感好似米通，但充斥住蝦膏嘅香味，脆口但不油膩😍
4. 刺身，盤上用唔同嘅秋意物去佈置，加强咗頭盤帶來嘅秋意。盤上有三款刺身，食材生鮮，完全無雪味同雪過嘅質感，特別要提及刀工，你完全食唔到任何筋或者韌嘅地方。另外當中嘅秋刀魚刺身，我一直認為秋刀魚只有燒先好食，原來刺身一樣咁掂。👍
5. 鮎魚湯，內有一個釀咗蝦肉嘅白蘿蔔，湯味清甜，的蘿蔔又入味，一啲渣都無，夾埋啲蝦膠，簡直一絕，我成碗飲晒，一滴不剩😎
6. 松葉蟹燉蛋，味道好就唔使講，但我唔覺得似燉蛋，滑到好似湯咁，究竟係咪蛋呢？🤔
7. 北海道糯米飯，配以黑松露，香到難以形容，糯米飯極為入味，我認為係最好食嘅一款，但我唔够食，我想食十碗😭😎😍😍😍
8. 紅白面豉湯，佢個碗蓋有個心形，職員話係餐廳對我哋嘅心意😘平時都少飲面豉湯，今次清晒。😋
9. 甜品，用一個錦盒盛載，盒上有個「夢」字，個字係店主自己寫，當見到呢個盒，好似提醒我，係時候喺秋夢中回來，食完餐飯啦。一口甜品，少甜不膩，一口的水果，新鮮清甜👍
最後店主知道我第一次，所以請我食個海鹽雪糕，好清新，雪糕溫度好似話俾我聽冬天嚟啦😎
總結，第一次食懷石料理，都知道要食心境，所以每味菜我都先感受再進食，真心感受到秋嘅主題，廚師嘅手藝同鋪排，開頭諗住大鑊，咁有心思嘅餐，新鮮獨特嘅食材，廚師嘅手藝，一定貴到飛起，點知2個人只係3036，我愛上呢間餐廳了😌
Post
