Video
Read full review
2017-08-30
40 views
Yoho Mall 新開嘅食肆有好多間，上次經過已經見到每間鋪頭門外都有大量嘅人喺外面等食。今日襯自己早左少少番到元朗，決定要過嚟呢度試新野。呢d過江龍食肆其實元朗係好缺乏嘅，當區外人湧入元朗食小店嘅時候，其實區內嘅人都餓左好耐市區式嘅食店。今次嚟試試銅鑼灣都有分店嘅日本拉麵--金田家。呢間係日本福岡過嚟開嘅過江龍，多數日本過嚟開嘅拉麵店都可以保持番咁上下嘅質素，等我試試呢間又得唔得先。2個每人都各自叫左一款拉麵試試，叫左豚骨MIX拉麵、辛子黑蒜拉麵、溏心蛋同埋餃子。辛子黑蒜拉麵湯底比較深色，亦都比較濃味。麵嘅軟硬度同埋蔥量都可以揀，不過關於蔥嘅份量就好似有少少小氣，多蔥要另加 $5。不過對我嚟講就無影響嘅，因為我只係要正常嘅蔥量。溏心蛋雖然要$14一隻，不過睇左d食評話佢嘅拉麵本身係無蛋嘅，所以最後都係決定要加番隻蛋，始終拉麵無左隻蛋真係唔係好似樣，加錢都係要加番隻蛋先掂！至於麵嘅軟硬度我揀左普通，始終係第一次食都係叫番正常會保險d！對我嚟講，麵嘅軟硬程度適中，普通已經岩我喇！至於叉燒係切左薄片，肥瘦算係適中，始終肉都係要有d肥先好食。豚骨MIX拉麵湯底相對辛子黑蒜拉麵湯底比較清，可
今次嚟試試銅鑼灣都有分店嘅日本拉麵--金田家。呢間係日本福岡過嚟開嘅過江龍，多數日本過嚟開嘅拉麵店都可以保持番咁上下嘅質素，等我試試呢間又得唔得先。
2個每人都各自叫左一款拉麵試試，叫左豚骨MIX拉麵、辛子黑蒜拉麵、溏心蛋同埋餃子。
辛子黑蒜拉麵湯底比較深色，亦都比較濃味。麵嘅軟硬度同埋蔥量都可以揀，不過關於蔥嘅份量就好似有少少小氣，多蔥要另加 $5。不過對我嚟講就無影響嘅，因為我只係要正常嘅蔥量。
溏心蛋雖然要$14一隻，不過睇左d食評話佢嘅拉麵本身係無蛋嘅，所以最後都係決定要加番隻蛋，始終拉麵無左隻蛋真係唔係好似樣，加錢都係要加番隻蛋先掂！
至於麵嘅軟硬度我揀左普通，始終係第一次食都係叫番正常會保險d！對我嚟講，麵嘅軟硬程度適中，普通已經岩我喇！至於叉燒係切左薄片，肥瘦算係適中，始終肉都係要有d肥先好食。
辛子黑蒜拉麵
$88
22 views
0 likes
0 comments
豚骨MIX拉麵湯底相對辛子黑蒜拉麵湯底比較清，可能因為辛子黑蒜比較濃味，湯底望落都比較清！兩個拉麵嘅湯底都唔錯，睇下個人口味。
豚骨MIX 拉麵
$78
7 views
0 likes
0 comments
大將餃子外皮煎得好脆，裡面亦都好足料。餃子味道唔錯，$30有4隻算係差唔多。
大將餃子
$30
8 views
0 likes
0 comments
唯一美中不足嘅係呢間鋪頭個冷氣唔係好夠，未開始食拉麵已經有少少熱，尤其係坐近窗邊嘅位置，唔知同商場嘅鋪頭未開晒有冇關係。食緊拉麵嘅時候開始流汗，食完個拉麵之後更加食到滿頭大汗，下次都係要等冬天先再去食！
題外話，當日鋪頭有個牌寫住電子收費嘅儀器有問題所以暫時用唔到！喺一個咁現代化嘅商場入面有咁嘅情況真係令人覺得唔係好合理。當對面嘅麵包鋪買20蚊麵包都可以電子消費嘅時候，呢間要7、80蚊食個拉麵要俾現金找數，雖然呢樣野同食物質素無關，不過都會令人覺得唔係太方便，希望佢真係只係儀器有問題所以用唔到啦，始終都係電子消費方便d！
Post
