生記粥麵 (Closed)

經過廣華醫院一帶, 見到該店門外超級多人排隊, 又貼了明星照, 之前亦曾有雜誌訪問。好奇下打算晚餐以魚粥醫肚。由於一個人搵位較快, 一坐下只覺地方淺窄, 人山人海。該店似做熟客居多, 見幾乎人人都叫一碟炒米粉, 即先落單看看有何突出之處。米粉到來見用料較多, 有紅蘿蔔絲, 芽菜。不過由於一早整好, 又沒有放在煲內保溫, 像凍食炒米, 影響口感度。失敗之作。然後到點選該店出名的粥品, 點了「魚腩牛肉粥」。粥到來時見侍應的手指公竟然插入粥入面, 似乎不太衛生。 >_< 粥的熱度沒有想像般熱, 可能人太多, 整好了粥亦放涼了一會。不過魚腩新鮮, 算合格! 其餘還有煎魚餅, 見隔離客人點了, 但覺貨色普通, 所以沒有嘗試。寧可留肚再去佐敦夜市掃街去!!