龍麵館 (Closed)

朋友講近期中環有一間新嘅餐廳好特別，聽講有好多特別嘅菜式，例如手打拉麵，點心，小炒。之後朋友俾咗個電話我打去訂枱，一打去就有一個女士聽電話，我就話想Book晚上4位，之後我就問你地夜晚需唔需要訂位，佢就話夜晚會有位，之後佢就講D吾鹹吾水嘅中文，作為一間中式餐廳吾色講中文都吾緊要，我系電話度問佢有咩值得食，佢就話有個唔知咩雞、片皮鴨好食，之後我問佢呢兩個菜有咩特別啊？佢又唔識答，問佢英文又吾識答，之後我問多兩句佢就話好好食架，比我有一種好唔耐煩嘅感覺，最後都成功Book 左，之後本身就收線架啦，但我想問佢可唔可以安排啲比較安靜嘅位置，之後我就喂、喂，餵，只隱約聽見佢講「呢個客好煩呀」，唉......食物方面龍蝦飯不錯，蒜蓉味幾香👍之後叫左兩個湯麵，麵質同埋湯底都幾好，湯低夠濃👍之後叫咗兩個甜品，甜品比較特別精美不錯整體上都不過不失，點餐時候服務員都幾有禮貌，食物上也好特別，都會再去嘅，但下次直接去，唔訂位算。