華嫂冰室 (棉登徑) (Moved) New Location

早上太趕，沒辦法行得更遠，我看到華嫂冰室，便入去醫肚。入去裡面，佢全日得一個餐牌，選擇少，唔吸引。不過，我諗佢可能做得精，會好好食。我諗住冰室係會有啲餐嘅，即係有個公仔麵，有個多士同蛋，但可惜我見到佢每樣嘢都好似要單點。因為好急，咁我就叫咗一個鹹牛肉蛋三文治。我叫咗都冇1分鐘，佢就即刻送咗份鹹牛肉三文治上嚟啦。首先，我好欣賞佢咁快送到嗰個三文治上嚟，但係分明呢個冰室唔係即時整係一啲咁簡單嘅食物。味道方面，佢係偏鹹，如果要嗌埋飲品嘅話呢，依個三文治加飲品呢就要成40幾蚊。如果以40幾蚊呢個價錢呢，佢就係好唔合格嘅。我覺得價錢同食物同環境係要成正比囉，但係呢一間完美示範左好唔抵。我有得選擇是不會再幫襯的。