天然豚骨拉麵專門店一蘭

Open Now

Now Closed

雖然香港越嚟越多拉麵店，但不時就會掛住一蘭，鍾意佢可以自己揀口味，食落又唔會好膩。今次夜晚8點半先去食，竟然要排隊，但期待咗一陣，唯有照排啦。今次揀嘅係：口味濃味、油膩度清淡、蒜泥1份、有蔥、有叉燒、赤紅秘製醬汁普通、硬度軟。另外仲要加紫菜，吸晒啲湯汁咁食先正😋先飲一啖豚骨湯，仍然保持到水準，香而不膩👍🏻再撈匀啲辣汁，佢嘅官方介紹話用咗好多種香料，老實講就唔係太食得出有咩特別嘢，但都好食，惹味得嚟唔會太搶。不過份量好似少咗咁，幾啖就食晒，要加多半份替玉先勉強夠飽。佢做緊8周年推廣，做會員就免費送半份，唔知係咪咁所以減少咗原裝嗰碗🤨貪得意加多個特濃抹茶布甸，唔澀，但未至於好出色，不過不失啦，呢個價錢就冇乜興趣再食。