天然豚骨拉麵專門店一蘭

Open Now

Now Closed

於2024年11月17日吃了拉麵。那天在社交平台中看到朋友在吃一蘭，然後把我想吃的魂也召喚了出來。我自選的味道是6級辛辣，湯底偏濃，要蔥，麵質偏硬，蒜頭份量正常。豚骨湯頭濃郁而香順，帶點點甜甜的蒜香味，加上辣粉的辛香。特製的細麵口感彈牙，叫人難忘，叉燒肉比以前好像薄切了，但味道始終如一。最後，把麵吃光，要加碗白米飯，珍珠米把湯的精華全吸收，口感豐富。還記得剛開業時要排大隊，24小時營業，抬頭望見牌上寫銅鑼灣店已開了11年，不知這些年，一蘭碗麵加價升幅有幾高，但味道還是維持沒變。地址：銅鑼灣謝斐道440號駱克大廈A座地下F-I號舖

想說平民拉麵餐廳而言，一蘭的堂食拉麵的價錢偏貴，所以一定要用一種最着數的方式食完一碗拉麵。首先進入麵店坐定定後，第一時間要登記一蘭手機應用程式，成為會員後會獲取積分，積分可換取食物。於網上查找優惠碼再獲積分，如沒有資源，也可找朋友幫助。然後完成該店的網上問卷，會再次得到少量積分。總和後一共60分，最多可免費換到一整份拉麵。但先不要換，因為麵是雞蛋麵種，早換了麵會糊掉不好吃。如果有小朋友的話也可透過應用程式換取小朋友限定拉麵一碗，這個也超值。然後先用手機正式點個麵，我選了最便宜經典的天然豚骨拉麵+普通湯底+超濃厚油+配菜全加。上菜後，得到一個份量很細的濃湯幼身拉麵，如果選了普通湯底的話，那就很大可能會變成沾麵的咸度。而油方面就定要厚油，因為這才能防止拉麵變糊軟掉，第一次上的麵只有半份份量，屬於雀仔胃量，所以即使女性加點全麵也是能吃清光的。咸的話有食水可以自加，最後滿足自閉食大概就是這裏比其他餐廳最優的地方，攻略完畢。

趕頭趕命得返一個鐘食lunch，來到一蘭竟然唔使排隊，跟住佢哋話要掃qr code落單兼畀預先錢，呢個應該係一個預先收費嘅app，要收咗錢先可以serve個麵。我跟住佢哋嗰個特別嘅QR code，掃來掃去都掃唔到！！！當我開始懷疑自己，於是立即在網上download一個qr code嘅app，但係都係掃唔到code。諗住搵職員幫手，點知只有一個職員，已經幫緊另一位顧客處理個apps嘅問題，結果喺咁趕急嘅情況，我只有無奈地離開。亦都對職員講：掃唔到qr code！跟住我去咗另一間食店用qr code掃單，無論係我本身內置嘅攝影機，還是download嘅app ，QR code都可以順利落單，總括而言：一蘭拉麵，你個嘢壞咗呀！！

其實一蘭喺香港開咗咁耐，我都係第一次過嚟試，因為啲人話每次都要排隊嘅，今次我喺一欄門口都等咗大概成20至30分鐘先入到去，等待嘅時間同埋我期待值係成正比入面嘅座位好似當年我喺圖書館自修室咁樣一格格，每人一個位。我嗌咗個天然豚骨拉麵（$98），加一蘭精算配料組合（$68），等咗一陣，我個位前面塊簾就打開，個面就送上嚟啦。個湯底都幾Creamy嘅，麵條都彈牙，同埋啲叉燒都煮得好腍，正正常常。但至於使唔使特登排成半個鐘我又覺得好似唔使。

小弟咁大個女第一次去一蘭食麵，我冇諗過碗麵係咁迷你嘅。一入到去，侍應同你講自助點餐，之後佢就行開咗啦咁自己搞咗一大輪，比完錢。見到枱面有一隻杯同埋嗰個水掣，我問侍應有冇綠茶粉？佢話冇。咁唔緊要啦，斟杯水先，期待$108嘅面究竟係有咩驚喜？答案係，入邊只有兩片叉燒，一堆蔥，同埋一個好細份嘅拉麵！！係，個拉麵絕對食唔飽嘅🤬🤬🤬🤬冇配菜，冇調味，連紙巾都冇🤯🤯🤯咁都要收$108？而尼個已經係最平嘅食物真係oh my god

-說來慚愧 真係從來都冇食過呢間日本過江龍🐲因為我個人唔係咁鍾意排隊嘅緣故⋯一直都冇試過🤗今次過晒食飯時間 十點去到見到冇人排隊 就狗衝入去試吓店內座位Fix死左無得郁真係完全唔舒服🙅🏻‍♀️🥲🥲完全唔合乎人體工學 😵‍💫唔知有冇人都有同感呢🍜🍜🍜🍜🍜🍜🍜🍜🍜🍜至於拉麵嘅味道 個人覺得普普通通 唔算好特別 唔明點解要排隊為咗食佢🤔🤔😅個人覺得可以試一次 但我唔會掛住⋯⋯⋯

疫情到依家，好耐未食過，今晚特登出銅鑼灣食，去到竟然要排隊，最後等左8、9個字先入得，唔知係咪今日星期六多人D呢。跟上潮流乜都電子化自己搞掂，如果唔想掃code落單，可以去櫃檯落，但已經要即刻比埋錢🫣食拉麵都係鐘意畫紙仔實在D😃同老公一樣，叫左（豚骨拉麵濃味）我無加其他配料。麵來到之後，如果以$98一碗拉麵來講，第一眼感覺好寡，雖然麵質感軟硬度適中，但味道都係淡，豚肉唔錯，有入口即溶嘅感覺，但整體同我食開果間一X差太遠，無論賣相、味道都只可以話唔係我杯茶。可能太耐無食，期望太高啦！

虽然现在奔过头了♨️一兰拉面 一口汤就鲜的勒！🥘鲜美的豚骨汤每滴都是精华，赋予爽滑的面条和叉烧灵魂🍜，再补上溏心蛋的蛋液，会变得更加的顺滑鲜香。叉烧 单点的叉烧会更加的肥糯油香，但不爱吃肥肉的就算了吧🥩📌推荐加上木耳，给面条又增加了一些脆爽的口感，我很爱！

天氣凍凍地，就去咗呢間食拉麵佢嘅拉麵選擇好簡單，無咩款式，但就係佢個湯底同叉燒，但我一食回味豬骨湯濃郁，無啖麵一定要飯一啖湯但飲得多佢個湯反而感覺口乾呢度一人一格，如果單人食都幾好，起碼無搭枱嘅問題服務都好好，侍應好nice，會好禮貌甘有求必應

垃圾服務，貼錢買難受。一入到去，店員剩係同我地講要QR CODE落單，落完單坐咗25分鐘無野食上過枱。一問先同我講：你未俾錢呀。我同佢講你哋冇講過喎，職員就好串咁講你入座嘅時候同事有同你講㗎。貼錢買難受，仲要畀加一服務費，但係唔覺得有人服務過我

好多人話一蘭質素大不如前自己都由佢啱啱開業 斷斷續續食到今日其實我覺得仍然非常好食不過今日去食就好多位電子化左拎飛可以自己禁機 (好似譚仔咁)落單連比錢都電子化掃code落單既時候要比埋錢食完就直接起身走得有d人會話無得畫紙個體驗差左無左以前一蘭既感覺😂不過我覺得食完唔洗行去埋單其實都方便左既今日一如以往叫左加麵底 揀左硬麵仲加錢要多碟蔥 因為本人覺得一蘭個湯加蔥係超正辣度就6度 啱啱好 有辣味之餘又保留到層次不過下次個加麵底可能硬度揀返普通好d因為食完原本個麵 d湯會涼左少少浸唔軟新落個麵底😂反而原本個麵就可以叫硬

🍜攞住碗一蘭拉麵，單係睇個色澤已經流晒口水。湯頭香郁，飲一啖，順滑得滯，又唔覺得太肥膩。叉燒夠曬味，肉質腍滑，啖啖肉嘅感覺叫人忍唔住連啖帶骨都想吞。拉麵嘅彈牙度，啱啱好，咬落去Q彈得嚟又唔會太硬，食落去真係過癮！🥚糖心蛋嗰啲流心效果太正，黃金色澤勁吸引，蛋味又香，搭配拉麵就係完美match。至於抹茶布甸，呢個確係清新閉幕，入口即化嘅口感，抹茶味濃得嚟又唔膩口，令人食完之後回味無窮。啲食物好味到諗住下次仲要點埋湯頭同埋加餸。店內環境靜態，令人坐低就可以全心投入到食物世界入面，感受呢度嘅食物魅力。單人位嘅設計都幾得意，滿足咗想一個人靜靜地食嘢嘅心情。總之，呢次食感驚喜，下次還會再嚟。🍵🥢

🍜拉麵 🚹可以10-20個1人——————天氣凍❄️始終想食啲熱食，曾經好多人排隊嘅一蘭，喺平時嘅夜晚6點幾係可以直入～唯一一種拉麵：天然豚骨拉麵🍜$98叉燒又薄又嚡，無咩其他配料，麵份量亦偏細，唯一優點係湯底味道確實好好😋🐻另外仲加左：半熟鹽味蛋🥚$18蛋有咸味，亦做到流心效果，但性價比就麻麻…🤔其實，一蘭最大嘅優勝之處在於餐廳好多細節位同「自閉位」，落單連俾錢💲已經用QR code，上菜唔會同職員眼👁對眼👀，帶位仲有職員，如果連呢樣都變埋機械人，就真係「全自閉」體驗，其實唔想講嘢嘅時候去食都幾舒服🤣不過…咁「自閉」都收加一服務費，大家又覺得o唔ok呢？🤔🐻‍❄️：其實成間餐廳背後(例如帶位)都係有職員服務大家，但當大部分都自助(🐻：蛋都連殼…🥹）呢樣係咪應該用「服務費」嚟收呢？又值得商榷。結論：🐻🐻‍❄️都覺得同價錢有更好嘅選擇，唔會encore。

寒冷的天氣，總是特別容易感到餓。想起去日本旅行，在嚴寒的天氣走進拉麵店，吃碗熱辣辣的拉麵，實在是人生的小確幸。來到位於銅鑼灣的「一蘭」，凌晨一點幾，客人不多，不用排隊就可直接入內用餐。選了最原始的口味「天然豚骨拉麵」，麵質揀選「硬」，辣度是「普通」。這樣的一碗麵，很個人的口味。雖然很多人說「一蘭」沒有從前那麼好吃，但其實我還是很喜歡它，一樣的裝修、一樣的間格、一樣的口味、一樣的水準，是很溫暖的感覺。其實「一蘭」並沒有變，只是新開的拉麵店愈來愈多，大家嘗試了各種不同的款式和味道的拉麵，也找到了各自喜好的風格，才覺得它變了，變得不像從前那般美味。在這個有點冷的夜晚，所以餐廳都打佯了，是它滿足了我肚子的幸福。

🇭🇰Hong Kong - Causeway Bay📍Ichiran 一蘭拉麵仲記得10年前引起一段關注嘅一蘭拉麵，時隔咁耐唔知道仲有無咁多人去食呢？由銅鑼灣開到尖沙咀，再開到旺角。究竟係有咩本領令到佢可以一開再開？一蘭對於我嚟講係一個回憶。幾年無食，好多野都唔同了。已經唔係24小時營業，亦都再無一條長長嘅人龍。去到已經可以直接入座食。入到店舖入邊亦都有好多好多唔同了。已經再唔係有張order紙圈起自己嘅拉麵口味，全部都電子化了。洗手間嘅打卡12格廁紙都無了。拉麵到了，老朋友 濃淡 普通、油膩度 濃厚、蒜蓉 一份、麵硬度 硬 加一份一蘭醋。但已經唔係以前嘅味道了，麵嘅硬度唔係硬，湯底亦不及以前。雖然整體都唔同了，最後都把湯飲晒打卡一下碗底。不得不說，客人已經唔係好多，但兩位員工不斷不斷地進進出出。破壞咗黎一蘭唔會比打擾感覺。📍 銅鑼灣謝斐道440號駱克大廈A座地下F-I號鋪尖沙咀棉登徑8號地庫B號舖及地下入口大堂旺角洗衣街88號地下B舖