Video
Read full review
2023-11-21
1022 views
周六，天氣晴，秋高氣爽，心情很好，就出外走走～ 跟朋友來中環閒逛並且吃個午餐，朋友想食拉麵，就找來這家口袋私藏的拉麵，這家由日本拉麵大王河原成美創辦的GOGYO 五行，平時lunch 間中都有幫襯，最喜歡佢嘅「五行焦香味噌拉麵」，濃郁又焦香，仲有淡淡嘅煙燻味，啱晒我重口味😋，所以朋友一講起拉麵就諗起佢～原本諗住叫佢lunch set，但見到有秋冬限定「濃厚•周打蠔拉麵」! 係拉麵嘅fusion，咁特別，咁當然要試吓～ 🥢濃厚周打蠔拉麵 呢個創新fusion 拉麵，係將日本傳統正宗拉麵，結合美式周打海鮮湯，湯底係豚骨湯加上意式忌廉醬料去熬製，所以湯頭特別濃郁creamy， 除湯底fusion 外，配料上都好有特色，除咗日式拉麵一定有嘅半熟蛋外，亦加入煙肉粒、煙燻免治蠔同原片煙肉🥓。煙燻蠔加入松露油同帕馬森芝士，味道超夾，好好味，蠔味濃郁，而且好滑；而煙肉片超脆，好似食薯片咁，一啖湯一啖煙肉片，風味大增。除咗拉麵外，個set 仲有超豐盛嘅沙律前菜- 松露油帆立貝蕃茄沙律，帆立貝有炙燒處理，帶出香味，而食個陣加上松露油，超香，兩者加持令味道再提升，配埋新鮮爽甜蕃茄，美味豐盛嘅沙律😋🥢八兵衛
跟朋友來中環閒逛並且吃個午餐，朋友想食拉麵，就找來這家口袋私藏的拉麵，這家由日本拉麵大王河原成美創辦的GOGYO 五行，平時lunch 間中都有幫襯，最喜歡佢嘅「五行焦香味噌拉麵」，濃郁又焦香，仲有淡淡嘅煙燻味，啱晒我重口味😋，所以朋友一講起拉麵就諗起佢～
原本諗住叫佢lunch set，但見到有秋冬限定「濃厚•周打蠔拉麵」! 係拉麵嘅fusion，咁特別，咁當然要試吓～ 🥢濃厚周打蠔拉麵
呢個創新fusion 拉麵，係將日本傳統正宗拉麵，結合美式周打海鮮湯，湯底係豚骨湯加上意式忌廉醬料去熬製，所以湯頭特別濃郁creamy， 除湯底fusion 外，配料上都好有特色，除咗日式拉麵一定有嘅半熟蛋外，亦加入煙肉粒、煙燻免治蠔同原片煙肉🥓。
煙燻蠔加入松露油同帕馬森芝士，味道超夾，好好味，蠔味濃郁，而且好滑；而煙肉片超脆，好似食薯片咁，一啖湯一啖煙肉片，風味大增。
除咗拉麵外，個set 仲有超豐盛嘅沙律前菜- 松露油帆立貝蕃茄沙律，帆立貝有炙燒處理，帶出香味，而食個陣加上松露油，超香，兩者加持令味道再提升，配埋新鮮爽甜蕃茄，美味豐盛嘅沙律😋
🥢八兵衛串燒定食 朋友另點了我推薦嘅八兵衛串燒定食，因為happy hour 時試過來自博多嘅八兵衛串燒，覺得好好味，又抵食，所以決定點呢個。
Lunch set串燒定食都好豐富，一共五串串燒，包括明太子卷、月見雞肉棒、豚八鹽燒豬腩肉、手羽鹽同青豆串揚，當中明太子卷，青豆蓉串掦同月見雞肉棒最特別，明太子卷用雞皮卷著椰菜，再包著明太子，雞皮燒得乾身不肥膩，而椰菜亦吸收咗雞皮嘅油份，減低油膩之餘增加香味，而明太子就係點睛之作，增加咸香鮮味。而青豆蓉串揚則非常特別，本身唔食青豆嘅我都覺得好味，青豆蓉經過調味處理，青豆味道大減而且口感變得creamy，再以串揚方式炸過，更加香口，食完睇番先知係青豆蓉，不錯！
串燒款式好多，lunch set 未能試盡，再加上朋友知道happy hour 有飲品買一送一同埋串燒7折優惠，所以已經急不及待約定我下次happy hour 嚟🤪 🥢FTW辛口手羽先
另外亦點了一個小食，辛口手羽先，辣味單骨雞翼，可以選小辣或大辣，小辣也好惹味，而且雞翼炸得香脆入味，小食一流👍🏻
GOGYO五行唔單止係拉麵店咁簡單，其實仲有提供酒類同串燒小食，happy hour 就更加有不同優惠添： Happy hour 時段（mon- sun, 3pm-7pm) ，八兵衛串燒有7折優惠，超抵！ 而酒類飲品更有買一送一優惠，呢度有多款精選飲品俾大家選擇，啤酒cocktails 當然有，更有英雄啤heroes beer ，啱晒唔同人士，所以成日都會同同事係HH 時間黎飲番杯吹吓水🤭
Post
